Matapos kumain nina Jonathan at Caroline, nagtulungan sila sa paglinis ng kusina. Si Jonathan ang naghugas ng plato habang si Caroline naman ang nagwalis at naglampaso.
"Matutulog na ako. Good night na. Salamat sa masarap na food," wika ni Caroline sabay ngiti.
"Walang anuman. Good night mahal kong binibini. Sweet dreams," malambing na wika ni Jonathan.
Natawa na lang si Caroline bago pumasok sa kaniyang kuwarto. Bigla siyang naglikot doon na parang kiti- kiti dahil hindi niya alam kung bakit siya kinikilig.
'Ano ba ito? Nababaliw na yata ako! Simpleng good night lang pero kinilig na ako ng husto!'
Kinuha niya ang unan at saka niya ito tinakip sa kaniyang mukha. Ipinikit niya ang kaniyang mga mata para makatulog na ngunit bigo siyang gawin iyon. Nanatili lang siyang nakapikit ngunit
