"Napakaganda mo naman, mare! Grabe ibang- iba ka na!"
"Biglang ganda ang bahay niyo! Ano ang nangyari? Instant yaman! Iba ka na mare!"
"Kainggit ka naman, mare! Nakita ko kanina ang dami niyong ulam! Ang gaganda rin ng damit na binili niyo! Inggit na ako sa iyo!"
Ilan lamang iyan sa mga papuri ng kapitbahay ng pamilya ni Jonah. Sobrang tuwang- tuwa ang ina ni Jonah dahil pinupuri siya ng kanilang mga kapitbahay. Hindi nga maalis ang ngiti sa kaniyang labi sa mga oras na iyon. Napakasaya niya dahil halos nabili niya ang gusto niya. Maaayos na ang kanilang bahay at kompleto na rin sila sa mga gamit. Marami pa ring perang natira kaya naman hindi siya namomoblema sa mga susunod pang araw. Nagtayo rin siya ng munting tindahan sa loob ng bahay na pinagawa niya para kahit paano, iikot ang pera
