"Ano?!"
Nangitngit sa galit si Maya matapos niyang malaman na magkasintahan na sina Caroline at Jonathan. Kalat na iyon sa kompanya dahil proud na proud na pinagkakalat ni Jonathan ang relasyon nilang dalawa ng dalaga. At pabiro pa siyang nagsabi na wala na dapat magpapansin pa kay Caroline dahil sila na ngang dalawa.
Natawa si Riza. Isa rin siyang empleyado doon at iisang department lamang sila ni Maya. Close silang dalawa at palagi silang nagchihismisang dalawa. Alam din niya gustong- gusto ni Maya si Jonathan kaya agad niyang sinabi sa dalaga nakalap niyang balita.
Inis na sinabunutan ni Maya ang kaniyang sarili at napahampas sa kaniyang table. Kumukulo ang dugo niya kay Caroline sa mga oras na iyon. Pakiramdam niya, inagawan siya ni Caroline ng pinakamahalagang tao sa buhay niya.
