TAHIMIK lang si Percy habang na sa kotse sila. Ito ang nagmamaneho habang na sa shot gun seat naman siya. Sinusulyap-sulyapan niya ito dahil naiilang siya sa sobrang tahimik nito.
Wala yung inaasahan niyang galit na ipapakita nito dahil sa ginawa niyang pagtakas dito.
Mas nakakailang pala ang katahimikan lalo na kap[ag guilty ka, pero bakit ba kailangan niya pang makaramdam ng guilty? Wala naman silang relasyong dalawa. Matagal na silang tapos. May kanya-kanya na silang buhay pahkatpos bigla na lang siya nitong kikidnapin.
Tumanaw siya sa bintana at doon na lang nilibang ang sarili niya. Paniguradong dadalhin na naman siya nito sa penthouse nito at ikukulong doon. Kailangan niya na namang gumawa ng paraan para matakasan ito kung sakali kahit pa paniguradong dodoblehin nito ang gagawing
