Camila's POV
Napakahayup mong Percy ka!
Kanina pa siya nanggigil kay Percy. Minumura at pinapatay niya na ito sa isip. Ang tinamaan ng magaling na lalaki dinala sa Batangas ang pamilya niya.
Napakawalanghiya alam na kakalabas lang ng ospital ni Ernie ibiniyahe agad ng malayo.
Hudas kang impakto ka! Humanda ka talaga sa akin letse ka!
Inabot na siya ng gabi. Katakot-takot na trafic ang inabot niya. Ni hindi na nga siya makabili man lang ng tubig dahil saktong-sakto na lang ang pera niya, as in kapag nalaglagan siya ng piso kukulangin na. Naghalo-halo ang galit, gutom at pagod niya kaya nandidilim na ang paningin niya!
Sa isang private beach sa Laiya Batangas ang address na ipinadala sa kanya ni Percy. Sa gate pa lang ay malalaman mo ng hindi basta-basta ang lugar na iyon. Daig pa ang
