“Ang lakas din naman ng loob noong babae na magpakilalang asawa ni Asher, ano? Saka bakit ba siya nakatira doon sa islang iyon?” usisa ulit ng babae, na sa kalaunan ay napag-alaman ni Asher na Aileen ang pangalan.
“Marami naman talagang nag-aambisyon na maging asawa ni Asher. Isa pa, kung hindi ako nagkakamali, kakambal ni Lovella iyon. Iyong isa pang ambisyosa na kung makadikit kay Asher, akala mo kung sinong girlfriend talaga!” nakaismid na angil ni Analyn.
Sa totoo lang, nahirapan siyang lalong dumikit-dikit noon kay Asher dahil lagi na lang nakabantay ang Lovella na iyon. Ngayong wala na sila ni Asher ay mayroon naman itong kakambal na kung makapag-claim ay akala mo totoong asawa talaga.
“Aba, para masigurado mong mapapasaiyo talaga si Asher, dapat pakasalan ka niya!” suhestiyon pa
