NABIGLA PA si Ezekiel sa biglang pagpasok ni Cristina sa kanyang opisina. Napatingin na lamang siya kay Alani na bigla ring natigilan. Nakatayo siya sa harapan ng mesa ni Alani dahil tinutulungan niya itong mag-ayos ng mga gamit. Gusto niyang manatili na lamang ito sa bahay habang nagbubuntis.
Mabilis siyang niyakap ni Cristina kaya inalis n’ya ang kamay nito. Napansin niya ang pag-angat ng kilay ni Alani sa ginawa ni Cristina. Bahagya ring naningkit ang mga mata nito.
“Okay ka lang ba? Hindi ka ba nasaktan? Narinig ko ang balita sa labas,” sunod-sunod na tanong sa kanya ni Cristina na nag-aalala.
Ngumiti siya nang pauyam. Wala namang pagpapapatay sa kanya kundi ang ama nitong sugapa sa kapangyarihan.
“Buhay na buhay pa naman ako,” sagot n’ya sa babae. Bumalik s’ya sa kanyang mesa at
