MACKENZIE'S POV:
PAGBABA namin ni Nolan ng sala, nagulat pa ako na nandidito ang mga trabahador sa labas ng mansion. Hinihintay ang pagbaba ko. Sinalubong kami ni tatay Elias na may ngiti sa mga labi at magalang na bumati sa amin ni Nolan.
"Anong meron, Tay?" tanong ko.
"Señorita, sila ho ang mga kasama namin sa taniman ng mga gulay. Anihan na po sa susunod na linggo. Gusto ko lang ipakilala sa inyo ang mga kasamahan kong magsasaka dito sa hacienda. Sila ang mga kasa-kasama ko sa matagumpay na pagtatanim ng mga gulay at prutas dito." Pagbibigay alam nitong ikinatango-tango ko.
Napangiti akong bumaling sa mga magsasaka na sabay-sabay pang bumati sa amin ni Nolan at yumuko bilang paggalang sa amin.
"Maraming salamat po sa maayos na pamamahala sa hacienda natin. Ako nga pala si Macke
