(حب احلامي)

البارت الرابع

حب احلامي

بقلمي✏️ملك سامي محمد

____________ __________

وهنا كانت ليان وشجن رايحين يركبو لاسنسير عشان شجن رجليها اتلوت و مراد مستناش لاسانسير لغاية ما يطلع نزل علي السلام جري

خرج مراد من المستشفي جري ركب العربية وساق بأقصي سرعة لغاية وقعد يفكر باترا والدة عايزة في أي و اي هي المصيبة

بعد ما وصل الفيلا

طلع بسرعة شاف والده قاعد ف المكتب وشكلة حزين

مراد بقلق/ في أي ي بابا

كريم بحزن/ف أجهزة من المستشفي اتسرقت

مراد بحدة/ ده ازاي اتسرقت مش ف كاميرات نشوف مين الي عمل كده

كريم بيأس/ الكاميرات ف الوقت ده كانت مقفولة مش عارف ازاي

مراد/ طب هنعمل اي دلوقتي

كريم سريعا/ هنسافر اسكندرية نشوف مين الي عمل كده وهنجيب أجهزة جديدة

مراد / بس انا امتحاناتي فضلها اسبوع تقريبا

كريم/ هنحول الورق بتاعك من جامعة القاهرة لي جامعة اسكندرية

مراد **ت قليلا بيفكر لو سافر اسكندرية مش هيعرف يشوف ليان دلوقتي خالص غير أنه مش عارف لسة هي لي جريت من الجامعة بتعيط وفي نفس الوقت والدي محتاجني معاه عشان المستشفي طب اعمل اي

كريم/ هاا يابني قولت اي

مراد بقلة حيلة/ تمم هنسافر امتي

كريم : الصبح بدري نروح الجامعة نحول الورق ونسافر علي طول

مراد / خلاص ماشي

كريم/ انا طالع ارتاح شوية

مراد/ ماشي يا بابا

في الوقت ده كان عماد في الجنينة ودخل لقي مراد وشة حزين

عماد/ في أي مالكم يا جماعة

مراد/ ف كاميرا اتسرقت من المستشفي

عماد / طب هتعملو اي

مراد/ هنسافر اسكندرية نشوف مين الي عمل كده وهنجيب أجهزة جديدة ونرجع علطول

عماد/ طب والجامعة بتاعتك انت امحناتك لاسبوع الجاي

مراد/ هحول لجامعة اسكندرية هعمل اي

عماد/ تمم خلاص هاجي معاكو واحول معاك بقي

مراد/ لا انت متجيش خليك هنا أو لو عايز تروح بيتك الي يريحك بس مش لازم تيجي

عماد بتساؤل / طب مجيش لي؟

مراد/ عشان تعرفي لي ليان جريتك وكانت منهارة

وتطمني عليها علطول لغاية ما ارجع بقي

عماد/ تمم بس قولي صح

مراد/ نعم

عماد بأرتباك/ هو انت لما ترجع هتعمل اي مع ليان

مراد/ هتقدملها علطول

عماد/ طيب

مراد/ يلا انا هروح انام عشان هنسافر بكرة بقي

عماد/ ماشي وانا كمان هنام شوية بردو تصبح علي خير

مراد/ وانت من اهل الخير

عند عمر ف المستشفي بعد ما ليان وشجن طلعو كانو قاعدين يهزرو مع بعض

عمر / شجن قولي لعمي بقي بكرة هنيجي ف ميعادنا

شجن/ تيجي فين انت تعبان

عمر/ لا مش تعبان يلغي عمي بقي اني هاجي بكرة ف الميعاد الي هو حددة

شجن كان هتعضرت بس تليفون شجن رن كانت والدتها شجن طلعت برة الغرفة عشان ترد علي والدتها

شجن / الو ياماما

وفاء/ اي ياحبيبتي اتاخرتي لي

شجن / قصت علي والتدها الي حصل

وفاء بقلق/ وماقولتليش لي وهو عامل اي دلوقتي

شجن/ والله ياماما نسيت اتصل اقولك احنا من الخطة انا وليان جرينا علي المستشفي

والحمد الله هو كويس هو بس ايدة متجبسة وخدش ف وشة

وفاء/ طيب يا حبيبتي انا هكلم هدي اطمن عليه

شجن/ ماشي يا ماما وانا خمس دقائق وهمشي علطول

وفاء/ ماشي يا حبيبتي سلام

شجن/ سلام

شجن بعد ما والدتها قفلت معاها خبطت ودخل الأوضة

عمر بحدة/ مين كان بيتصل بيكي ولي طلعتي تردي برة

شجن / دي ماما وعادي طلعت برة عشان اسيبك براحتكم

عمر/ طيب بلغتيها اني جاي بكرة

شجن/ لا لما اروح البيت

في الوقت ده كانت وفاء بتتصل بي هدي عشان تطمن علي عمر

هدي / آلو يا وفاء عاملة اي

وفاء / الحمد الله اخبار عمر اي والله انا لسة عارفة من شجن دلوقتي

هدي/ الحمد الله جت سليمة

وفاء / الحمد الله

عمر كان عمال يشاور اهدي أنها تقولها هنروح بكرة ف الميعاد

هدي/ بقولك يا وفاء احنا هتيجي بكرة ف العياد

وفاء/ يا حبيبتي عادي لما عمر يقوم بالسلامة لاول ده لسة تعبان

هدي/ هو كويس والله هو بس ايدة متجبسة بس

وفاء/ خلاص الي يريحكم يا حبيبتي تنورو بكرة

هدي/ حبيبتي

وفاء/ يلا سلام

هدي/ سلام

شجن/ طب انا هستأذن بقي عشان متأخرش

سلام

عمر/ خلي بالك من نفسك

شجن بخجل/ حاضر

سلام يا طنط سلام يا ليان

هدي/ سلام ياحبيبتي

ليان/ سلام يا قلبي لما توصلي كلميني

شجن/ حاضر

وذهبت شجن بالفعل

في مكان لم يتم ذكرة من قبل

شخص مجهول ١ / الو اي لاخبار

شخص مجهول ٢ / زي الفل

مجهول ١ / ما هو يانا يا كريم هفضل وراه لغاية ما اخسرة كل الي يملكة حتي ابنة

مجهول ٢ / ابنه!!! ده ابنة ده انا الي نفسي اخلص منه بسبب الي عملة أبوة في ابويا

مجهول ١ / هيحصل متقلقش انت

مجهول ٢ / طيب انا مضر اقفل دلوقتي نتكلم بعدين يلا سلام

مجهول ١ / سلام يا حبيبي

عند مراد كان عمال يتقلب علي السرير مش عارف ينام بسبب تفكير الزائد في ليان

مراد/ انا لازم بعد ما ارجع من اسكندرية اروح اتقدملها وبعد تفكير طويل في ليان نام أخيرا مراد

عند عمر في المستشفي

ليان / هو صاحبك مش قال من بدري أنه جاي مجاش لي

عمر/ ياااه انتي لسة فاكرة ده جه لما انتي وشجن كنتو بتجيبو حاجة من الكافيتريا بس مشي علطول

ليان بتساؤل/ مشي علطول لي؟

عمر/ والدة اتصل بيه وقاله يجي وفيه مصيبة

ليان بفزع/ مصيبة!!!! مصيبة اي

عمر/ والله مش عارفة

ليان/ طب وهو لي الدكتور قال انك تقعد النهاردة في المستشفي بما أنت كويس الحمد الله

عمر / عشان الخدش الي في وشي

ليان/ مالة يعني وكمان هما لي ربطينة انت بتقول ده خدش

عمر بصوت منخفض/ مش خدش اووي

ليان بقلق/ امال اي

عمر/ فتح بسيط

ليان بفزع/ مقولتش لي طيب

عمر / وطي صوتك عشان ماما وكمان يلا صحيها بقي وامشو عشان بدل ما هي مش عارفة تنام هنا

ليان / حاضر

ليان راحت تصحي هدي عشان يمشو

ليان بهدوء/ماما ماما

هدي/ اي يا ليان

ليان/يلا اصحي عشان نمشي الساعة بقيت ٧

هدي / حاضر

هدي بتساؤل/طب ما تخرج معانا يا بني بما انك كويس

عمر بأرتباك/ بصي يا امي بصراحة كده انا الي في اورتي مش خدش دي

هدي بقلق / امال اي

عمر / بصي هو فتح بسيط بس فاعشان كده مش هعرف اروح عشان الدكتور هيجي يشوفة تاني لو محتاج خياطة يعني وكده

هدي / طب ماقولتش لي

عمر/ خفت تزعقو اندي البت الي خبطتني

هدي/ طيب يا حبيبي احنا هنمشي وهنجيلك بكرة الصبح

عمر / ماشي يا حبيبتي

غادرو ليان وهدي من المستشفي

وصلو البيت ليان راحت تغير هدمها وبعد كده راحت تحضر عشاء

ليان/ ماما يلا عشان تتعشي

هدي/ لا يا حبيبتي مليش نفس انا خدها انام

ليان/ طب كلي لي حاجة طيب

هدي/ مش قادرة والله يابنتي يلا تصبحي علي خير

ليان/ وانتي من اهل الخير يا حبيبتي

ليان وهي بتتعشاء جه في بالها مراد

ليان في نفسها/ هو انا فكرت فيه لي وبعدين بقي طب هو لي كان بيبصلي كده في الجامعة

ليان / افففف بقي انا هقوم اشيل لأكل وانام احسن

ليان بعد ما شالت لأكل بعدد علي السرير وفتحت تليفونها تكلم شجن لقيت تليفونها مقفول

ليان/ افففف قافلة تليفونك لي مقدميش حل غير اني انام

وفعلا نامت ليان

الساعة ٧ صباحا في فيلا كريم والد مراد

صحي كريم من النوم راح

وفي نفس الوقت كان مراد صحي

مراد بنعاس/ صباح الخير يا بابا

كريم بأبتسامة / صباح الخير يا حبيبي روح اجهز عشان نمشي نروح الجامعة لاول

مراد / تمم

عماد نزل في الوقت ده

عماد بصوت عالي/ صباح الخيرررر

كريم بضحكة/ صباح النور يا بني

مراد بغضب/ وطي صوتك بعد كده

عماد / براحتي

مراد عقد حاجبية / شكلك عايز تض*ب علي الصبح

عماد/ اه هو عشان انت اكبر مني وخلاص فضلك سنة وكان شهر وتظهر من الجامعة بقي هتزعقلي ولا اي

مراد / براحتي

كريم ضاحكا عليهم/ بس بقي هتبطلو شغل العيال ده امتي

مراد/ انا رايح البس عشان نمشي

كريم/ ماشي يا حبيبي وانت مش هتلبس عشان الجامعة بتاعتك ولا اي

عماد/ رايح البس اهو ياعمي

كريم / ماشي يا بني يلا

عماد/ عمي انا نرجع بيتي لغاية ما ترجعو من السفر

كريم. بحنان / لي يا بني ما خليك هنا في الفيلا

عماد/ معلش ياعمي خليني علي راحتي

كريم / ماشي يا بني يلا روح البس عشان نتتأخرش

عماد/ ماشي ياعمي

عند بيت ليان

ليان صحيت قامت غسلت وشها وراحت تصحي والدتها

ليان / ماما يلا اصحي عشان نروح عند عمر

هدي/ حاضر يا بنتي روحي البسي

ليان / حاضر

ولبست ليان بنطلون جينز واسع علي بلوزة بيضاء واسعة وحجابها

واتصلت بي شجن

ليان/ الو يا شجن

شجن/ الو ياليان اي لبستي

ليان / اه هنروح بس المستشفي عند عمر عشان ماما اقعد معاه وبعد ما نخلص الجامعة هنروح عشان يروح بقي

شجن / تمم وانا لبست هستناكي تحت البيت عندي

ليان / تمم يا قلبي يلا سلام

شجن / سلام

نزلو ليان وهدي وراحو عدو علي شجن وذهبو للمستشفي

اول ما دخلو لقي ندي الي خبطت عمر قاعدة معاه

شجن اول ما شفتها الدم غلي في عروقها وكان نفسها تض*بها

هدي/ ازيك يا بنتي جيتي من امتي

ندي بهدوء/ لسة جاية حالا

هدي/ مجانش لوه لزوم تتعبي نفسك وتيجي

ندي / لا ازاي مجيش اطمن علي دكتور عمر

عمر بأبتسامة /..

قاطعتة شجن عن التكلم

شجن / وانتي عرفتي منين أنه دكتور هو لسة فضلة سنة وكان شهر ويبقي دكتور

ندي بهدوء/ اه ما انا عارفة بس حبيت اقول دكتور من دلوقتي

شجن بحدة / وعرفتي منين

ندي/ دكتور عمر الي قالي امبارح قبل ما تيجي أنه في كلية طب وقرب يتخرج

شجن ببرود/ امممم تكتور عمر اللي قالك ماشي

ليان/ خلاص بقي يلا شجن يلا عشان نلحق الكلية

شجن بصوت منخفض / هنسيب البت دي معاه

ليان ضاحكة/ ماهي ماما قاعدة معاهم اهو يلا ربنا يهد*كي

شجن / اوكي يلا

ليان / يلا سلام يا عمر هنخلص الجامعة ونجيلك علطول عشان تمشي من هنا

عمر/ ماشي (بخبث) مش هتقوليلي سلام ولا اي يا شجن

شجن بغيظ/ سلام يا...يا دكتور

هدي كانت متابعة حديثهم مبتسمة

وذهبو ليان وشجن الي الجامعة

في فيلا كريم

مراد كان خلص لبس وكريم كمان

عماد / هتوحشني ياعمي

كريم / وانت كمان ياحبيبي طب ما تيجي معانا بدل ما تقعد هنا لوحدك وهنحولك مع مراد

مراد تدخل/ هو عايز يقعد هنا يابابا متتغضش عليه

عماد/ اه يا عمي وانا بعد لامتحانات هيجيلك علطول

كريم / ماشي يا بني بردو مش عايز تقعد هنا بدل ما تقعد في البيت بتاعك

عماد/ معلش ياعمي مش حابب اقعد هنا وانت. مش موجودين معايا

كريم / الي يرحيك يا حبيبي

طيب يلا بينا

عماد ركب سيارته وانطلق لجامعة عين شمس

ومراد وكريم ركبو سيارت مراد وانطلو لجامعة القاهرة لسحب ملف مراد

عند ليان وشجن

وصلو الجامعة ليان / تعالي نروح نجيب عصير لاول من الكافيتريا

شجن بضيق/ مش عايزة

ليان مازحة/ في عروسة بردو تبقي متعصبة كده

شجن/ اسكتي يا ليان

ليان/ مالك يا شجن كل ده عشان ندي قاعدة مع عمر يا ستي شوية وهتمشي ومش هنشوفها تاني

شجن بغيرة/ يا ليان هو لي يحكلها عن نفسة

ليان / هو حكالها حاجة ده كل الي قالة أنه في كلية طب

شجن/ وانى قرب يتخرج يقولها لي أنه قرب يتخرج يعني انا مش فاهمة بصراحة

ليان / خلاص بقي فكي

في الوقت ده عماد شافهم راح نحياتهم

عماد بأبتسامة/ عاملين اي

شجن وليان / الحمد الله ياعماد

عماد / انتو كنتو بتجرو امبارح لي

ليان بأستغراب/ هو مش انت كنت بتنقل الجدول عرفت منين

عماد بأرتباك / ده مراد ابن عمي كان هنا جاي يدينا حاجة شافكو بتجرو

ليان اول ما سمعت اسم مراد حست احساس غريب

عماد/ هاا كنتو بتجرو لي في حاجة حصل عندكو

ليان/ لا ابدا ده اخويا خبطته عربية بس الحمد الله جت سليمة

عماد / طب الحمد

ليان لشجن/ يلا بقي يا شجن نروح نجيب العصير قبل ما نطلع المحاضرة

شجن / حاضر

ليان بأبتسامة/ سلام يا عماد نشوفك في المحاضرة

عماد / سلام

عند عمر في المستشفي

ندي / انا همشي بقي

سلام يا طنط

هدي / سلام يا بنتي

ندي / سلام يا دكتور عمر

عمر / سلام

عند مراد كان خلاص سحب الملف بتاعة

واتصلت بي عمر يطمن عليه

عمر/ اي يابني اي الي حصل عشان تمشي امبارح بسرعة كده

مراد قص عليه كل اللي حصل

عمر / يعني انتي دلوقتي مسافر

مراد/ اه انا في الجامعة اهو لسة واخد الملف بتاعي

عمر/ طيب يا مراد انا انشاء الله بعد لامتحانات هبقي اجيبك يا صاحبي

مراد/ تمم

عمر بسعادة/ اه صح بقولك اي

مراد/ خير يا سبب السعادة دي

عمر بسعادة / انا عندي ليك مفاجأه بس مش هقولك فير بليل

مراد بفضول / لا اخلص قول دلوقتي

عمر/ طيب يا سيدي انا رايح النهاردة أخطب

مراد / بجد الف مبروووك يا صاحبي

عمر / الله يبارك فيك يا حبيبي

مراد/ أيوة بقي عشان كده مبسووط يا عم

عمر ضاحكا/ اه والله هموت من الفرحة

مراد / ربنا يبسطك علطول يا حبيبي وربنا يتمملك علي خير يارب

عمر / يارب عقبال يا حبيبي

مراد/ ياارب يا عمر

عمر مازحة / الله الله انت وقعد ولا اي

مراد بأبتسامة/ شكلي كده والله

عمر مازحا/ طب مبرووك مقدما بقي

مراد ضاحكا/ حبيبي والله

مراد / سلام بقي عشان عشان اعرف اسوق

عمر /توصل بالسلامة يلا سلام

بعد ما قفلت مراد مع عمر

مراد كان سائق وكان تفكير كلة في ليان

في مكان آخر

مجهول ١ / الو سافرة ولا لسة

مجهول ٢ / اه سافرة

مجهول ١ / تمم وآلله لهخصرة المستشفي بتاعته دي المهم كلم بتاع الامن الي انت اتفقت معاه يوقف الكميرات عشان ميفتحش بوقة بي اي كلمة

مجهول ٢ / متقلقيش انا منبه عليه ميجيبش سيرة الي مخلوق

مجهول ١/ تمم يلا سلام ......

#يتبع

#ملك سامي محمد