(حب احلامي)

"البارت التاني"

"حب احلامي"

________ ___________

مراد/ اي ده هي...

عماد شاف مراد واقف

عماد/ مراد تعالا

مراد جه وهو في حالة **ت

عماد: اعرفكو ده مراد ابن عمي

ودول ياعم مراد يبق زمايلي ف الجامعة ليان وشجن

مراد بهدوء/ اهلا بيكم

ليان/ اهلا

شجن/ هلا

مراد كان باصص لي ليان ومتنح

عماد لاحظ أن ليان خدد بالها أن مراد باصصلها اوي

عماد / مش يلا بقي ي مراد

مراد بأرتباك/ اه يلا

عماد/ سلام ي ليان سلام ي شجن

ليان وشجن/سلام

غادرو مراد وعماد من الجامعة وركبو العربية ومراد بيسوق مش مركز غير ف الطريق وف ليان

عماد بقلق/ مالك ي مراد ف اي

مراد/ ليان يا عماد

عماد مش فاهم قصده/ مالها ليان ده انت اول مرة تشوفها

مراد/ لا مش اول مرة اشوفها شوفتها كتير اوووي يا عماد كتير

عماد بحيرة / ازاي شوفتها كتير

مراد/ هي دي يا عماد الي كنانت بتجيلي ف احلامي اللي حلمت بيها بقالي سنين هي دي ببراءتها بشكلها هي ي عماد هي دي الي حبتها ف حلمي

عماد متنح/ انت متأكد

مراد بثقة/طبعا متأكد دا انا بحلم بيها بقالي سنين يا عماد

............. ..................

نعرف بقي مين مراد وعماد

(مراد شب وسيم جداا عندة غمازة لما بيضحك بتبان طويل جسمة رياضي بشرتة بيضاء عينة لونها عسلي في كلية الطب جامعة القاهرة مع عمر هو وعمر اصدقاء من سنتين )

( عماد شب طولة متوسط عينة لونها بني وبشرتة بيضاء يشبه مراد قليلا في كلية هندسة جامعة عين شمس والدة ووالدتة متوفيين ) نكمل الرواية بقي

................ ............................

عماد/ طب ناوي علي اي

مراد في نفسة / اه لو تعرفي اني بحبك من قبل ما تشوفك

مراد فاق علي صوت عماد

عماد صارخا/ يابني انا بكلم

مراد / اي بتزعق لي مش واخد بالي كنت بتقول اي

عماد/ كنت بقولك ناوي علي اي

مراد قلة حيلة / مش عارف

عماد/ طيب اطلع علي الفيلا انا هموت وانام

مراد/ ماشي

ف جامعة عين شمس خصوصا كلية الهندسة

شجن/ خدي بالك ابن عم عماد كان بيبصلك ازاي

ليان/ اه بس هو كان متنحلي كده لي

شجن مازحة/ ممكن يكون معجب

ليان صارخة / يالهوي يالا اتأخرنا وانتي عمالة تقوليلي معجب ومش عارف اي

___________ ___________

في بيت ليان

هدي(مامت ليان)اتصلت بي ام شجن

هدي/ الو زيك ي ام شجن عاملة اي

وفاء(مامت شجن)/الحمد الله ي حبيبتي انتي عاملة اي

هدي:الحمد الله بقولك يا ام شجن كنت عايزاكي ف موضوع

وفاء:خير ي ام ليان

هدي: انا عايزاكي تخدلنا معاد مع ابو شجن عشان نيجي نطلب أيدها لي عمر

وفاء بي فرحة: حاضر ي ام ليان اول ما يجي من الشغل هقولة وهبلغك علي الميعاد

هدي بسعادة: ماشي ي حبيبتي يلا سلام

وفاء: سلام

في الوقت ده ليان وصلت البيت

ليان: كنتي بتكلمي مين ي ماما

هدي: ام شجن

ليان باستغراب: لي خير

هدي: كنت باخد معاد عشان نروح نطلب ايد شجن لعمر

ليان بفرحة: بجد ي ماما بجد يعني شجن هتبقي خطيبة اخويا

هدي بفرحة: اه ياحبيبتي

ليان: ده احلا خبر عرفتة امال عمر فين

هدي: جه من ساعة ودخل نام شوية

______________ _______

عند بيت شجن

شجن لما وصلت البيت لقيت مامتها فرحانة اوي وحضنتها وبستها

وفاء بسعادة: مب**ك ي حبيبتي

شجن بغباء: مب**ك!! مب**ك علي اي هو انا نجحت لسة لامتحانات كمان شهر

وفاء: مامت ليان لسة قافلة معايا من شوية وعايزين معاد عشان يجو بطلبو ايدك لعمر

شجن بفرحة: اي انتي بتتكلمي بجد

وفاء : اه يا حبيبتي مبرووك

شجن بخجل/ الله يبارك فيكي يا ماما

شجن دخل غرفتها و كانت ف عالم تاني خالص بعد الخبر ده

شجن ف نفسها/معقول هيجي يتقدملي بجد خلاص

انا كنت واثقة أنة كلامة ليا واحنا عيال هيبقي بجد

flash back

شجن لما كانت في ١ اعدادي وعمر كان ف ٢ ثانوي

عمر/ بتعملي اي يا ليان انتي وشجن

ليان/ بنحل الواجب قبل ما المس تيجي

عمر/ اوكي

ليان/ انا خلصت هقوم اعملنا ٣ عصير لغاية ما المس تيجي

ليان بعد ما قامت عمر راح قعد جمب شجن

عمر بحنان/ لسة مخلصتيش

شجن بطفولة/ اففف لسة بقولك اي هي ليان هتعملنا عصير اي

عمر / مانجا

شجن بفرحة / وااو انا بحبة اوي

عمر بثقة/ وانا بحبك اوي

شجن بخجل طفولي/ شششش ليان أو طنط هدي يسمعوك

عمر بأبتسامة/ اول ما نكبر هتقدملك وسعادتها هقولك بحبك دي علطول وميهمنيش حد يسمعني

back

شجن/ بجد مش مصدقة أن اللحظة الي مستنياها بقالي كتير تيجي

................................. ..............

عند مراد

اول ما مراد روح لقا والدة(كريم) قاعد ف مكتبة

مراد: بتعمل اي ي بابا

كريم: بتابع المستشفي ي ابني

مراد/ انا مش عارف يابابا لي بنيت المستشفي ف اسكندرية وبتفضل تتابعها من كاميرات المراقبة من هنا

كريم/ عشان والتدك الله يرحمها كان نفسها ابني مستشفي هناك

مراد بحزن: الله يرحمها ماشي انا طالع انام شوية

كريم: ماشي ي حبيبي امال عماد فين

مراد/ جري علي فوق هيموت وينام

مراد طلع الجناح بتاعة قعد يفكر ف ليان أزاي واحدة كانت بحلم بيها سنين اكتر من ٤ سنين تقريبا تطلع موجودة بجد

فضل يفكر كتير فيها لغاية ما نام

...................... .............................

عند بيت شجن والد شجن وصل البيت

وفاء: كويس انك جيت عايزاك ف موضوع بس ارتاح لاول

سامي(والد شجن):خير يا وفاء

وفاء: بما ترتاح وتغير هدومك

سامي والد شجن غير هدومة وقعد مع وفاء

سامي/ كنتي عايزة تقولي اي اول ما جيت

وفاء/ في عريس جه لشجن وعايز معاد عشان يجي في

سامي/ عريس مين

وفاء/عمر اخو ليان اي رأيك

سامي/عمر هو شب محترم وفي كلية طب ونعرفة من زمان طبعا موافق عليه

وفاء بفرحة: طب أبلغهم يجو امتي

سامي بتفكير: النهاردة الأربع خليهم يجو يوم الجمعة الساعة ٦

في غرفة شجن

شجن/ الو ي ليان

ليان/ هتبقي خطيبته اخويا

شجن / اه تخيلي

ليان بسعادة/ بجد انا فرحانة اوي

شجن بسعادة / وانا يا ليان هموت من الفرحة اول ما ماما قالتلي الخبر كنت هطير من الفرحة

ليان مازحة/ مش انا قولتلك اخويا قمور ويتحب بردو

شجن مازحة/ ولا قمور ولا يتحب

ليان بخبث/ طب انتي بتحبيه لي

شجن/ مين انا أحبة هو تؤ بيتهايقلك

ليان بخبث/ امال اي الفرحة الي انتي فيها دي لما عرفتي أنه هيتقدملك طب هترفضيه صح

شجن/ خلاص بحبة ياليان اه هو ده الي انتي عاوزة توصليلة

ليان ضاحكة / طيب خلاص اسيبك بقي دلوقتي يلا سلام

شجن/ سلام

ام شجن اتصلت بلغت هدي(والدة ليان) علي الميعاد الي يجو فيه

ليان اول ماعرفت راحت تصحي عمر تقولة

ليان/ اصحي ي عريس هنروح نطلبلك ايد شجن يوم الجمعة

عمر:/بجد ماما كلمتهم امتي

ليان / وانت نايم ولسة طنط وفاء مبلغة ماما علي الميعاد ربنا يتمملك علي خير ي عمر

عمر: يارب ي حبيبتي

................ ...............................

ف صباح يوم جديد

ليان و شجن راحو المحاضرة كال عادة مع بعض وكانت المحاضرة لطيفة جدا

ليان/اي رأيك ي شجن ننزل نشرب حاجة ف الكافيتريا تحت

شجن بموافقة/ماشي انا اصلا عايزة اشرب حاجة لأن الجو حر اوي

ليان بأبتسامة/ماشي يلا بينا

شجن بحماس/ يلا بينا

. ليان وشجن نزلة عند الكافيتريا.

للاسف مكنوش وخدين بالهم أن مراد كان بيراقبهم

ليان بتفكير/اي رأيك نشرب احنا لاتنين عصير مانجاا

شجن/امممممم ماشي

ليان/لوسمحت احنا عايزين اتنين عصير مانجا الراجل/ مش عايزين اي طلبات تانية

ليان/ شكرا

في الوقت ده كان مراد بيقول في نفسة ياترا اروح اكلمها ولا اصبر تاني تؤ لا خلاص خليها وقت تاني

عند شجن وليان

الراجل/ اتفضلو العصير الي حضرتكم طلبته

ليان/ شكرا.

ليان وشجن فضلو يشربون العصير وفجأة ليان لقت موبيلها بيرن.

ليان/ الو يا ماما ..ليان لاحظت أن مامتها بتعيط

ليان بفزع/ في أي يا ماما بتعيطي لي

هدي/تعالي روحي بسرعة

الصدمة أن هدي قفلت التليفون مراد لاحظ أن شكل ليان بدأ يتغير وفي اثار فزع علي وشها.....

#يتبع

#ملك_سامي