CHAPTER 64
Lumipas ang ilang araw na gano'n pa rin kabigat sa akin ang lahat. Madalas akong tuliro at wala sa sarili. Lalo akong nakaramdam ng lungkot nang pasukan na. Hindi ganito ang nasa isip ko noon. Wala sa planong mag-isa na pala ako. Muli akong bumalik sa pagiging ako noon. Naging sunud-sunuran sa kung ano lang ang sa tingin ng ibang tao na nakabubuti sa akin. Kung ano ang gusto ni Tito, sumusunod ako. Nasa tabi ako lagi ni Tito at minsan ang mga magulang ko ngunit parang wala ako lagi sa aking sarili. Kahit nga sa silid-aralan, nandoon ang katawan ko ngunit hindi ang isip at puso ko.
Sabik na sabik na ako kay Anne. May mga gabing para na akong baliw. Umiiyak, ngumingiti, tumatawa hanggang sa magagalit. Pero ang lahat ng emosyon na iyon ay nauuwi sa isang malungkot at malalim na
