الفصل ال 24
1704 Words
الفصل الرابع وعشرون 24
كيران :- شكراً يا بابا
وجت تدخل الاوضه تاني واقفها صوت يوسف
يوسف:- بس انا عندي شرط
كيران لفت :- شرط شرط اي ده
كلهم بصوا ليوسف
يوسف:- هنقدم خطوبتك أنتي وفريده الأسبوع ده وأنتي وكريم هتكتبو الكتاب
كلهم فرحوا معادا هي
كيران بصدمه:- بابا ايه اللي انت بتقولو ده
يوسف:- ذاي مسمعتي عايزه تسافري يبقاا توافقي علي الشرط مش هتوافقي يبقاا أنا كمان مش هوافق
كيران بدموع:- هو ضحك عليا وخداعني وانتو كلكم مصدقينه و واقفين معاه طيب أنا مش موافقه علي الشرط بس أكيد هسافر ومش هقعد في وش الكداااب ده
كريم بحزن قام مشي ناحيتها وبص في عيونها
كريم:- وعد مني هنفذلك أمنيتك وهمشي من وشك لما أثبتلك أني مخداعتكيش وأنك ظلماني بس واقتها هيكون فات الأوان وهتعرفي أنك غلطي لما مسمعتيش الكلام وسمحتي لحد يدخل بينا
كيران داخلت الاوضه وقفلت الباب وقعدت علي الأرض وفضلت تعيط وهو راح دخل الاوضه التانيه لبس وخد مفاتيحه وخرج من الاوضه
سيف:- رايح فين
كريم:- نازل
سيف:- نازل رايح فين يعني وهتعمل اي أحنا المفروض نروح الشركه
كريم :- روحو انتو وأنا هاجي وراكم ... رايح فين دي ابقا اقولهالك بعدين
وسابه ونزل
شهد:- أستر يارب
تلفون يوسف رن
يوسف:-الو يا علي
علي:- اذايك يا عمي.
يوسف:- الحمد لله يابني
علي:- عمي كنت عايز حاجه بخصوص الخطوبه
يوسف:- خير يا بني
علي:- عمي لو ممكن نعملها بعد بكره علشان أنا مسافر بعد بعد بكره في الشغل لمدة شهر او شهرين
يوسف:- طيب يابني هشوفهم وارد عليك _ وقفل معاه
شهد:- في أيه يا يوسف
يوسف :- علي عايز يعمل الخطوبه بعد بكره علشان هو هيسافر بعد بعد بكره في شغل لمدة شهر أو شهرين
شهد:- هنلحق نجهز حاجه
سيف:- أنا هجهز كل حاجه يا عمي
يوسف:- ربنا يخليك يابني ويد*ك بنت الحلال اللي تريح قلبك
أحمد :- أنت كنت عايز تقدم الخطوبه اسبوع أهي بقت بعد بكره
حضرو كل حاجه وكيران كانت عاديه ومش بتكلم كريم خالص ولا بتبص عليه وهو كل شويه ينزل ومحدش يعرف هو رايح فين وكيران مش موافقه و صحابها بيكلموها ومش سامعه لحد وهيعملو خطوبة فريده بس وسيف حجزلهم الفندق وأمير عرف الأخبار و فرح أن كيران مش هتعمل الخطوبه
وجه يوم الخطوبه
شهد:- قومي يا فريده
فريده :- سبيني انام شويه
شهد:- علي بيرن عليكي بقاله ساعه قومي شوفيه رن عليا
فريده بنعاس:- الو يا علي عايز ايه
علي بتريقه:- عايز سلامتك يا روحي
فريده:- أنت هتستعبط يا علي أنا عايزه أنام مش فاضيه للكلام الفاضي ده
علي :- قومي يا بت أنتي أتجننتي نص ساعه وهاجي اود*كي الفندق يلاا اجهزي لحد ماجي
فريده:-???
علي:- فريده فرييييده نهار ازرق أنا اللي جبت دا كله لنفسي وقفل ورن علي كيران
كيران:- الو يا علي
علي:- صباح الخير يا كوكو عايزك تروحي للي ادعي عليها ب أيه وهي فيها كل العبر دي تصحيها ولا اقولك عايزك تفزعيها علشان نص ساعه وجاي اخدكم
كيران :- حاضر سلام
وقفلت وراحت عند فريده
كيران:- فريده قومي
فريده:-???
افتكرت سيف لما صحا فارس اذاي راحت جابت ازازة المايه من التلاجه وكبتها علي راسها
فريده:- عاااااااااا واللهي يا كيران الكلب لا أوريكي
طلعت تجري من الاوضه وهي وراها كيران استخبت ورا شهد
شهد:- جدعه يا كوكو دا علي يا عين أمه بقاله ساعه يصحيها
فريده:- أنا مش هسبها غير لما تعيط
كيران:- استهدي بالله كده وادخلي الحمام خودي شاور علشان علي جاي في الطريق
جت تمشي من قدامها وهي متعصبه
كيران:- ولا اقولك بلاش تخدي شاور تاني كفايه المايه الساقعه البسي علطول
فريده :- واللهي انا بقولك معندكيش دم
وسابتها وداخلت اوضتها وكيران كلمت صحابها وشويه و جم وعلي جه وكيران وفريده لبسوا وهما خرجين من الباب كريم كان داخل سلم على البنات وعلي و قعد علي الكرسي وقبل ما ينزلو
رغد كوكو هتلبسي اي
كيران:- كده كده هتشوفيني بالليل فا خليها مفاجأه
ونزلو كلهم
رغد :- يلاا يا بنات سلام يا فوفه نتقابل هناك
علي:- تعالو معانا
ياره :- لاا أحنا هنروح بعربيه رغد شكراً
وركبوا و مشيوا
***********************
في عربية فريده و علي
علي:- وأنا بكلمك الصبح تقوليللي عايز أيه
فريده بإبتسامه :- أنا كنت نايمه ومش اخدت واقت كافي في نومي علشان نمت متأخر
علي:- كنتي بتفكري فيا
فريده :- لاا
علي:- نعمممم
فريده:- أنا بهزر
الاتنين بصوا لبعض وضحكوا
**************************
في عربية رغد
نور:- كيران أسمعي كريم ولو لمره علشان متند
كيران قطاعتها :- ياريت متتكلموش في الحاجه دي تاني أنا قولتلكم أنا شوفتها وهي حضنها وبتقوله هترجع لبني حب ابوه ومش هتحرمه من حنان الاب كريم قالها ايوه
عايزين أكدب عيني اللي شافت و وداني اللي سمعت وأصدق كدبه هيقولها
مي:- أشراقت هي اللي كانت متفقه مع...
كيران:- يوووووه
ياره:- أحنا عايزين مصلحتك و كريم عايز يسمعك حاجه
كيران:- يا ستي أنا مش عايزه اسمع حاجه كفايه اللي سمعتو
نور:- خلاص سبوها براحتها
وسكتو و بعد شويه وصلوا الفندق وطلعوا الجناح اللي هيجهزو فيها وجم البنات اللي هيجهزوهم
وعلي عند صالون و محمد جه من البلد هو وأخوه و مرات أخوه وعيالهم و راحوا علي يوسف رحبت بيهم شهد وطلعتلهم حاجتهم في شقة فارس علشان يكونوا براحتهم
أخو يوسف و محمد
محمود(عنده 50 سنه و هو أصغر أخواته )
مرات محمود (عفاف عندها 46 سنه )
عيال محمود
أكرم(أبنه الكبير عنده 22 سنه كلية زراعه طويل ذو بشره سمراء وعيون خضرا وجسمه رياضي وشعر ناعم)
هايدي(20 سنه كلية تربيه محجبه طول كيران عيونها خضرا ورثنها عن امهم بشرتها قمحاويه )
في شقة فارس بعد ما طلعو شهد حضرتلهم الغدا وطلعته واتغدوا و كانوا بيجهزو
يوسف :- فارس أنت عذمت كل الناس اللي ادتهملك في الورقه
فارس:- ايوه يا بابا
سيف :-يلا البسوا علشان يدوب نلحق
فارس:- اهدا يا عم المتسربع
سيف بجديه:- مش واقت هزارك البايخ خلاص علشان الناس
وكانوا كلهم بيلبسوا
************************"
في الفندق
لبسوا الفساتين كلهم ذاي بعض وصحاب فريده رانيا و بسمه و علياء
رغد:- أي يا كوكو كلنا لبسنا وانتي لسه يعني
نور:- ما هي عيله جذمه مش رضيت تجيب فستان ذاي بتاعنا كلنا
كيران:- أنا حره
ياره:- ما تقولي حاجه يا ختي أنتي (علي مي)
مي:- أنتو كلكم هتموتو وتشوفو الفستان اهدو كلها ثواني وتلبسوا قامت كيران داخلت الاوضه التانيه لبست وداخلت
كيران:- اي رائيكم
كلهم بصولها وبصوا لبعض:- ??? كانوا مصدومين معادا مي علشان راحت معاها اشتارته
الفستان بتاعها(الارضيه سودا وعليه ورود حمرا وحزام اسود علي الوسط و قصير لفوق الركبه وكتف في حماله و الكتف التاني لاا )
فستان فريده(نبيتي واسع وطويل من ورا وفي ورود)
فساتين البنات كلهم جايبين ذاي بعض( لونه بيچ فاتح حمالات عريضه دانتيل)
نور:- نهارك مش معادي اي ده
كيران:- ايه في ايه
فريده قامت من علي الكرسي وراحتلها
فريده:- اي ده يا كيران دا كريم هيخرب الدنيا
كيران:- هو لي عندي ايه علشان يخرب الدنيا دي حاجه ملهوش دعوه بيها ارجعي خلااصي انتي مفيش واقت
كل واحده قاعده علي الكرسي بتاعها
**************************
في بيت يوسف
سيف:- يلاا يا فارس اخلص كلنا لبسنا الا أنت
فارس خرج من الاوضه :- أنا خلاصت
ونزلوا و كان علي معاهم وطلعو علي الفندق وبعد شويه وصلوا
سيف:- اقعدو لحد ما اروح اشوفهم خلاصوا ولا لاا
وطلع سيف خبط وفتحت نور وكانت خلاصت و فضلوا باصيين لبعض وسكتين
رغد:- احم احم احم
نور وسيف أنتبهو عليها
رغد:- أنا بقول أجيب أتنين لمون
نور ذاقتها و داخلت
سيف:- خلاصتو
رغد:- ايوه مفيش غير كيران باقي حاجات بسيطه
سيف:- طيب هاروح أجيب علي واجي تكون خلاصت
رغد :- ايوه
نزل سيف وهي داخلت
رغد:- خلاص يا كيران سيف هجيب علي
كيران قامت:- أنا خلااااااصت ايه رائيكم
فريده:- واللهي انا حسه أنك أنتي العروسه مش أنا
الباب خبط وفتحت رغد و علي داخل باس فريده علي رأسها و اخدها ونزلوا والبنات وراهم
مي لنور:- ربنا يستر من اللي هيعملوا كريم
نور:- اه واللهي أنا مستغربه كيران اول مره تلبس حاجه ذاي كده
نزلوا والناس ثقفولهم و رقصو سلو وكريم كان لسه جاي واول ما شاف كيران راح عليها و شدها من دراعها بعصبيه
كريم يضغط علي اسنانه :- أيه اللي أنتي مهبباه ده
كيران خافت من عصبيته بس مابينتش خوفها وردت بجراءه ع** اللي جواها
كيران:- نزل أيداك احسنلك وأنا قولتلك ملكش دعوه بيا
كريم بيحاول يهدي نفسه وساب دراعها
كريم:- طيب أنا عايز أسمعك حاجه
كيران:- وانا مش عايزه اسمع
كريم سابها ومشي وفضلت باصه عليها وهو ماشي وعيونها امتلأت دموع واقفة في وشها نور
وحاولت تخبي عنيها عنها نور رفعت وشها ليها
نور:- كوكو يا حبيبتي ليه بتعذبي روحك وتعذبيه أسمعيه ولو لمره واحده
كيران:- مفيش فايده خلاص الكلام بينا أنتها
رغد:- أنتو هتفضلوا واقفين كده تعالو نرقص و اخدتهم وفضلوا يرقصو معا بعض البنات وفريده و كيران كانت رايحه تقعد
اكرم واقفها:- كوكو أيه الحلاوه دي
كيران :- اكرم اذايك اي اخبارك
أكرم:- الحمد لله تمام
كريم شايفهم من بعيد وكان الغضب علي وشه وعيونه احمرو من العصبيه وهما واقفين معا بعض وبيضحكوا يوسف شاف كريم متعصب وبيشوف كريم بيبص علي أيه لقاه باصص علي كيران و أكرم عرف هو متعصب ليه
يوسف راح عند هم
يوسف:- روحي يا كيران اوقفي معا أختك سايبها ليه
كيران راحت و كانت فريده قاعده صحبها شدوها علشان ترقص و رغد راحت لكريم قالتلو كلم فريده
راح لفريده وهو باصص عليها وهي بترقص ومتنرفز علشان فستانها ورقصها
كريم:- الف مب**ك يا فوفه كنتي عايزه حاجه في حاجه ناقصه
فريده:- لاا أنا شوفتك واقف لوحدك وما جتليش . تعاله نتصور سوا
كريم بإبتسامه :- حاضر
وجه المصور و صورهم وكيران و كلو واقف وجه اكرم وفضل يرقص معاها رجليها التلوت وكانت هتقع ومسكها اكرم من ضهرها كريم مستحملش راحلهم وشدها عليه
كريم رفع إيدايه لأكرم وشاور بصباعه بتحذير :- اوعي تقرب لها كده تاني مره
أكرم :- هي كانت هتقع
كريم :- خليها تقع و تت**ر وأنت متقربلهاش
أكرم:- أنت بتتكلم كده ليه دي بنت عمي وأنت مالك أصلاً
وقف الD. G علي صوتهم العالي وكلهم بصو عليهم وسيف وعلي راحلهم
سيف :- كريم تعاله معايا
فارس:- اهدا يا كريم
علي :- في أيه اهدو شويه مش كده
سيف و فارس اخدو كريم وطلعو بي بره خالص وعلي هدا أكرم وقعد ه و ال D. G اشتغل
رغد لنور :- يعني ينفع اللي كيران بتعملوا
مي :- طيب هنعمل ايه علشان نقنعها أن كريم مظلوم واذاي وهي مش راضيه تسمعوا أصلاً
**************************٠
في ڨيلا أمير
أمير لنفسه :- هي الذفته دي من امبارح مجتش ليه وتلفونها مقفول
أمير بصوت عالي :- عواااد يا عواد _ جاله بسرعه وقف قدامه
أمير :- ألخطه تتنفذ النهارده بعد الفرح قبل ما تروح
عواد:- حاضر
أمير :- أنا همشي دالواقتي وأنتو تعالو ورايا
*********************
في الفندق
عدا الواقت والفرح خلص والبنات ماشيين سوا وفريده وعلي ركبوا العربيه وكلو ركب وقبل ما سيف وكريم يركبوا
رغد بصريخ:- كريييييم كيران ونور اتخ*فوا
**********************
✍️
منار عبد الرحمن (مونه)
- Writer
