Misty Zehra Avilla
MATAPOS KONG i-print ang inuutos sa akin ni Mrs. Guava ay dumaan ako sa gym tsaka sumilip kung ano na ang ginagawa ni Mr. Ramirez sa loob. Naroon pa rin siya at halos paubos na ang alak sa harapan niya. Samantala ang baso ko na may lamang alak ay hindi pa rin nagagalaw nung iwan ko.
“Hi, I’m looking for your boss.” Napaangat ako ng tingin sa babaeng sumulpot sa harapan ko. Isang balingkinitan na dalaga at mukhang hindi nalalayo ang edad sa akin. Maputi at pantay ang kulay ng balat. Walang kolorete ang mukha at nasa tamang kurba ang kilay pati mga labi nito. “Conrad Ramirez.”
Napalunok ako dahil sa tagal ng pagkakatitig ko sa kanya, ang pananamit ay elegante. Simpli man ngunit alam mong mamahalin. Tinuro ko ang loob ng gym at hindi pa nakakapagsalita ngunit humakbang n
