Chapter 38:
ADONIS
"Anong ginagawa natin dito?" tanong ni Paris habang nakatingin sa labas ng kotse. Mula sa tablet niya ay nilibot niya ang paningin niya sa lugar. Nasa tablet niya ang tracker ni Bella. Umalis sila ni Alison ngayon kaya nakaalis ako ng bahay nang walang nagtatanong kung saan ako pupunta. Ang sinabi ko lang kina Yaya Kelly ay ayokong mag-stay roon nang wala si Bella, kaya makikipagkita na muna ako sa mga kaibigan ko. Pero dahil gusto kong makasiguro ay pinabantayan ko kay Paris ang tracker ni Bella na nakakabit sa singsing na ibinigay ko sa kaniya, habang nasa byahe kami.
Nasa isa kaming junk place, kung saan dinadala ang mga bagay na tinatapon na dahil sira na at hindi mapapakinabangan. Kanina ay nakipagkuwentuhan ako kina Yaya Kelly at pasimple kong naitanong kung na
