Half day lang ang pasok nila para sa araw na iyon. Bilang mga third year student, obligasyon nila Onyx na tumulong sa organizer ng gala na tumulong sa pag-aayos ng malaking stadium kung saan gaganapin ang charity auction. Lahat ng malalaking tao na imbitado sa gabi ng event ay magdo-donate ng mga de-kalidad na pag-aari nila at lahat ng kikitain noon sa auction ay mapupunta sa paaralan.
Gagamitin naman iyon ng paaralan para sa sinusuportahan nitong non government organization.
Bukod sa auction na siyang pinaka-aabangan ni Onyx sa lahat, may runway show din na kasama sa program. Kaya naman magkakatuwang silang mga third year student sa pag-aayos ng mga obra na gawa ng mga sikat na designer na grumaduate sa naturang school.
Fifteen pieces ng evening gowns ang inaayos nila Onyx at maingat
