Author’s POV
Hindi nakapagsalita si Nate bagkus ay tumingin lang siya kay Nathalia at sinusukat kung nagsasabi nga ba ito ng totoo.
“Nate, bakit?” puno ng hinanakit na tanong ng dalaga rito. Saglit namang natuliro si Nate sa tanong nito at hindi alam kung ano ang isasagot sa dalaga.
“Bakit mo ako pinagpanggap na si Jelna?” naiiyak na tanong ni Nathalia. Napahawak sa sariling mukha si Nate. Hinintay naman ito ng dalagang magpaliwanag.
“Hindi ko alam na hindi ikaw si Jelna,” mahina niyang sagot.
“Hindi alam?!” nang-uuyam na singhal ng dalaga. Napatayo siya at nakapamaywang na humarap kay Nate. Hindi niya maintindihan kung bakit pa nito kailangang ikaila ang lahat samantalang sukol na ito.
“God knows, I really didn’t know!” sagot ni Nate at tumayo na rin.
“Atleast, not at first,” dag
