Her POV
“Nathalia, ano bang problema?” tanong ng isang lalaki sa akin. Nakayuko ako habang nakaupo sa isang bench dito sa park. Hindi ko alam kung bakit sumisikip ang dibdib ko. Iniangat ko ang tingin ko para makita ang mukha ng lalaki pero bigla na lamang itong nawala sa tabi ko.
“Ate, Nathalia!” sigaw ng isang lalaki sa di kalayuan. Tumingin ako sa pinanggalingan ng boses pero papalayo na ang isang binatilyo.
“Nathalia dito!” sigaw ng isa pang babae pagbaling ko ay tumatakbo na rin ito palayo.
“Nathalia!”
“Nathalia!”
Rinig ko ang alingawngaw ng mga boses na diko makilala. Napatakip ako sa tenga ko. Bakit nila ako tinatawag ng Nathalia? Ako si Jelna!
Napabalikwas ako at napasapo sa noo. Panaginip lang pala pero bakit may tumatawag sa akin ng Nathalia?
Tiningnan ko ang orasan. Al
