JULIA/TRICE Antipatiko talaga, nag-scroll na lang ako sa aking cellphone ng mga kanta at gusto ko maingay para hindi ko mapansin at madinig ang lalaking nasa kama na tumagilid pa ng higa para lamang humarap sa akin at bumubuka ang bibig. Wala akong paki-alam kung ano man ang sinasabi nito sa halip humiga na lamang ako sa maliit na sofa ng patalikod sa kanya para hindi ako lalo ma-bwesit sa pagmumukha nito. Ipinikit ko ang aking mga mata at bahala siya diyan kung ano ang gagawin niya, kahit naman medyo rock ang pinakikinggan kong kanta ay makakatulog pa rin ako dahil sanay na ako sa maingay na paligid basta dinadalaw ako ng antok. Maka-idlip lang ng kaunti ay ayos na rin at 'yon ang gagawin ko, nag-set lang ako ng alarm sa cellphone ko ng 11 pm para sakto lang pagdating ng driver niya. N