Nasaling na naman ni Sab ang ego ni Zach. Dinama nito ang pisnging nasaktan atsaka siya tiningnan nang masama. Tiimbagang itong naglakad papalapit hanggang sa mapaurong si Sab.
"Iyan lang naman ang kaya mo, eh. 'Yung manakot nang tulad ko," anang dalaga habang umuurong.
Ngumisi si Zach atsaka itinukod ang dalawang palad sa dingding at nakulong ang dalaga sa mahabang bisig nito. "Ang angas mo, ah. Kagabi lang ang lambing- lambing mo sa akin," nangingiting sabi ni Zach.
Nagsalubong ang kilay ng dalaga."Baliw ka ba? Ba't naman ako maglalambing sa'yo?" aniya sabay hawi sa kamay ni Zach.
"Bakit naman hindi? Sumakay ka pa nga sa kotse ko, ‘di ba?”
Umugong ang ingay ng mga estudyante.
“Grabe si Sab. Kadiri!”
“Malamang hindi na ‘yan virgin.”
“Oo nga. Sayang matalino pa naman.”
Lalong nag
