“Nasaan na nga pala ang boyfriend mo, Trina?”
“He’s the Restaurant Manager of this resort —oh here na pala siya! Hubby!”
May lumapit na lalaki sa amin, nakasuot siya ng itim na suit at mukhang malinis. Tumayo agad si Trina para salubungin siya ng halik sa labi. Nag iwas naman ako ng tingin.
“Lalanggamin naman kayo rito!” sigaw ng isang kaklase namin at para bang lahat sila tuwang-tuwa sa nasaksihan.
Tumitig na lang ako sa plato sa harapan ko at naghintay na lumipas ang ilang minuto para makapagpaalam na. Alam kong hindi ko na kayang tagalan pa ito at kailangan ko na ring makapagligpit ng gamit ko sa kwarto.
“Can you sit na lang over there?” Narinig kong nagsalita si Trina sa tabi ko at nang makita kong balak yata nilang maupo ng kanyang boyfriend ng magkatabi ay agad akong tumayo.
