Chapter 50
Nakatingin lamang si Robin sa bagong dating, napakaganda nito! Hindi niya mailayo ang kaniyang tingin sa babaeng nagngangalang Calixia dahil sa kagandahan nito. Mataas ito sa kaniya at kung itatabi kay Alex ay hanggang tainga nito ang babae.
“Ang alam ko ay si Zico ang pupunta rito, Sayah?” tanong ng kaniyang kapatid.
Kung ganoon ay Sayah ang palayaw niya? Napakaganda niya!
Nang maramdaman ni Robin ang pagpisil sa kaniyang baywang ay napatingin siya kay Alex, nakakunot ang noo nito at walang kangiti-ngiti sa mga labi. Ano na naman ang ginawa niya at parang wala ito sa mood?
“Abala po sa pagbabantay sa bayan ng biska, may nakapagbalita na mayroong mga masasamang bampira ang naninirahan doon. Ako po ang kaniyang ipinadala, mahal na hari. Humihingi po ako ng pasensiya kung
