Chapter 53
Kinaumagahan nang magising si Robin ay naramdaman niya kaagad ang mahigpit na yakap ni Alex sa kaniyang baywang. Ang mukha nito ay nakasubsob sa kaniyang leeg at ang isang kamay nito ay mahigpit ang kapit sa kaniya na para bang ano mang oras ay aalis siya sa tabi nito.
She moved to get off but Alex’ hold on her tightened more, napabuntong hininga na lamang siya at hinayaan ang ganoong posisyon nilang dalawa. Ang kaniyang kanang kamay ay pinaglandas na lang niya sa malambot na buhok nito. Ayaw ni Robin na mag-isip ng hindi maganda ngunit natatakot siya sa mga maaaring sumunod na mangyari.
Aalis at aalis pa rin si Alex dahil babalik ito kay Hermiliah upang kausapin ito. Naalala niya ang sinabi noon ni Khia sa kaniya na mayroong mga trabaho na ang mga ito lamang ang maaari
