عهد القدماء

الحلقة التانية #المعرفة

نبدأ.

الجزء التانى.

المعرفة.

انا:حتى لو هموت مش هوقف و هبقى اقوي و اوريهم كلهم هبقى

اقوووووووووووي.

و بانت في عينة نظرة عزم و اصرار

انا:المكان ده جميل الشجر الشمس الى منورة كل حاجة شكلها حلو اووي تستاهل الفلوس بس انا معيش غير 100ج و مصرى معرفش دي تسوا كام لازم اشوف و اسأل حد و اشوف طريقة اجيب بيها فلوس انا هقعد اربع شهور برضو

شخص:انت ممكن تكلم زعيم القرية.

انا بخضة:انت مين؟!

الشخص:انا اسمى ماكو اهلا بيك فى قرية القمر سعدنا باستضافتك معانا هنا و هكون المساعد بتاعك هنا فى القرية لو احتجت حاجة.

انا:انت ازاي بتتكلم لغتي؟

ماكو:احنا كلنا هنا متعلمين كل اللغات عشان نتكلم مع الزوار زيك.

ماكو (ماكو شخصية فى جزيرة القمر

الطول:150 الوزن:50 السن:24

شكلو:اسمرانى اوي ملامحو عادية بس مريحة تستريح و انت بتكلمو عينو لونها اسود و شفايفو و مناخيرو كبار بس ده مش مغير في شكلو.

الجسم:جسمو عضلات بس خفيفة باين انو اعصابو جامدة من العروق الى ظاهرة.

القوة:التحكم فى البرق بس ضعيفة يقدر يجيب صاعقة تقتل خنزير او كلب بس مش كبيرة تقتل وحوش غير قابلة للتطوير.)

احمد هدي:اهلا بيك ايه هي بقى جزيرة القمر دي احكيلى عنها

احمد لاحظ ان ماكو مبصلوش بطريقة مختلفة عشان شكلو ولا حاجة قرر احمد يبص على احصائيات ماكو ولقى:

الاسم:ماكو

المستوى:20

القوة:40 الرشاقة:30 الذكاء:40 القدرة:التحكم فى البرق غير قابلة للتطوير.

ماكو:جزيرة القمر هي جزيرة فى وسط المحيط مليانة اشجار من كل حته على بعد نظرك احنا القرية الوحيدة هنا عددنا 300 شخص اتسمينا جزيرة القمر عشان بليل القمر بينور القرية كلها بشكل جميل و بيظهر جمال الاشجار جزيرتنا هي الوحيدة الى هتلاقى فيها السكينة و الهدوء اللي تحتاجة .

انا:شكلها جميل جدا فعلا طب دلوقتى انا هبات فين؟

ماكو:هنروح انا و انت عشان نقابل كبير القرية ثم الى الفندق لتجدد اقامتك هتقعد هنا قد ايه؟

انا:اربع شهور

ماكو:كم لد*ك من المال؟

انا:100ج معرفش تساوي كام هنا

ماكو:احنا بنتعامل بنفس العملة الجنيه عندكو زي الجنيه عندنا بس هتحتاج اكتر من 100ج هنعرف اكتر لما نروح الفندق يلا بينا نروح لكبير القرية

احمد هدي و حس بالراحة مع ماكو وقال:يلا بينا

########

البيت عند احمد.

ياسمين بتتكلم فى التيلفون:اخيرا يابنتى مشى من هنا و هستريح من شكلة

هناء:انا مش عارفة انتى بتكريه اوي كده ليه يبنتى انا بتق*ف من شكلة بس بيصعب عليا

ياسمين:يصعب عليكي ده معفن يابنتى الوحيد اللي اتولد من غير قوة و كمان شكلة وحش يغور في داهية

هناء(هناء مهمة فى القصة

الطول:175 وزنها:63 سنها:18

شكلها:جميلة بس مش زي ياسمين عنيها متوسطة و لونهم بنى

قوة:التحكم فى النار مش قوية بتقتدر تتحكم فى شعلة بتجاز او ولاعة بس مبتقدرش تتحكم فى نار اقوى قابلة للتطوير .

نبذة عنها:هناء صاحبة ياسمين من ساعة لما فتحت عينيها على الدنيا و تبقى بنت مدام مها بتحب ياسمين و منار امها بيصعب عليها احمد بس بتتق*ف من شكلة و ضعفة نفسها فى شخص قوى يحميها و يشكمها .)

هناء:خلاص سيبك من اخوكى دلوقتى خلينا فى محمد بتقولى جالكو؟ احكيلى.

ياسمين : م تتقوليش اخوكي بس.

هناء:خلاص احكي بقى

ياسمين: جه هنا قبل مااللى ما يتسمى يمشى و كان شكلو امور اووي بيضحك كده ولا عضلاتة اوووووف وراح قايلى وحشتينى و قالي هاتي رقمك عشان انا فاكرك غيرتيه غيرتو ازاى و انا اصلا مش مديهولة هههههههه

هناء:ههههههه ولعت معاكى يامزة كملى كملى

ياسمين:بعدين خد رقمى و قالى نبقى نخرج انا و انتي سوا و قالى انتى احلويتي اوي كنت عايزة اقولة يخربيت حلاوتك انت هههههه

هناء:ياما نفسى يقولى انا احلويتي هييييييح

ياسمين:لا يا واطية ده بتاعى انا شوفيلك انتي اي حد تاني

هناء:اه يابت يما نفسى فى راجل كده يشكمنى و يعرفنى قيمتى بس بقولك حاجة بيني و بينك

ياسمين:قولى

هناء:الواد مصطفى اخويا قفشتو بيبص علي جارتنا

ياسمين:يالهوووي عليه و عملتى ايه؟

هناء:ولا حاجة سبتة

ياسمين:ليه ياغ*ية كان ممكن تمسحي بيه الارض و تزليه

هناء:صعب عليا انتي ناسية انو اخرس و ضعيف و كمان قوتو مابتتطورش قولت سيبيه

ياسمين:انتى حرة انتى ادري بأخوكى.

مصطفى( مصطفى

الطول:155 الوزن:50 السن:19

الشكل:شكلة عادي مفهوش حاجة مميزة غير ان مناخيرة كبيرة شوية

جسمو:رفيع تفتكرة عضم على جلد و ضعيف

القدرة:تني المعادن بيقدر يتنى اي معدن منغير قوة بس قوة ضعيفة يقدر يتنى حديد سلم او مساورة صغيرة غير قابلة للتطوير.

نبذة عنو: مصطفى اخرس من لما اتولد فى الفصل مع احمد بس مش فارق معاه احمد بس حاسس بنفس الالم

ياسمين:المهم انا هقفل معاكى دلوقتى عشان هكلم محمد حبيبى

هناء بتريقة:علطول كده بقى حبيبك و هتكلميه

ياسمين:طبعا حبيبى و قلبى يلا بقى اقفلى سلام

هناء:سلام

ياسمين قبل ماترن خرجت للصالة لقت منار قاعدة

ياسمين:اهلا ياماما ياعسل عاملة ايه و بابا فين؟

منار:ابوكى نزل على القهوة يبصبص على البنات كبر و خرف هههههه

ياسمين:بقى سايب المزة دي وراح يبص برة ملوش حق

منار:المجاملات دي كلها يابت انتى عايزة كام؟

ياسمين:علطول ظلمانى طب تصدقى انى مش عايزة فلوس اصلا

منار:امال عايزة ايه؟

ياسمين:انا بس جاية اقولك ان محمد قالى نخرج سوا و انا كنت جاية اخد اذنك.

منار:لا محترمة يابت و بتاخدي اذن ماما بنات اخر زمن بس انا موافقة على العموم الواد حلو و طيب و هيحافظ عليكي

ياسمين:شكرا يااحلى ماما فى الدنيا وباستها فى خدها و دخلت تجرى على الاوضة

منار:شكلها بتحبة اوي البت دي يارب متتدلقش نفسها عليه بس اما اقوم اخد دش يمكن جسمى يستريح

ياسمين ماسكة التيلفون و رنت

محمد:معقولة القمر لحق يرن عليا

ياسمين بصوت رقيق و **وف:ازيك يمحمد عامل ايه؟

محمد:انا كويس بعد ماسمعت صوتك

ياسمين ب**وف اكتر:مش هتبطل الكلام ده بقى

محمد:لازم استغل كل دقيقة معاكي مش يمكن يطلع حلم

ياسمين من ال**وف قفلت المكالمة و هي مبتسمة جداااو خدودها حمرا جدااا

محمد رن ردت

محمد:تقفلى وانا بكلمك انا كده ازعل

ياسمين:مانتا عمال تجامل و مش عارفة اكلمك كلمتين

محمد:انا مش بجامل بس قولى ياقمر

ياسمين:انت قولتلى لو عوزت اخرج اكلمك انا عايزة اخرج

محمد:افضى نفسى حالا و اجيلك نروح مكان ما انتى عايزة

ياسمين ب**وف:ماشى مستنياك و قفلت

####

فى الجزيرة

انا:ماكو احنا بقالنا كتير ماشيين انت مقولتليش ان زعيم القرية فوق الجبل.

ماكو:فوق الجبل هو معبد التأمل القمر بيطل على الجبل على طول و بيساعدك انك تتأمل و توصل لاقوى درجات التحكم فى الجسد

انا:يعنى زعيم القرية قاعد بيتأمل فوق طب مانستناه لما ينزل

ماكو:مانقدرش لازم كل زائر اول لما ينزل يروح لزعيم القرية و هو يحدد اذا كان ينفع يفضل هنا

انا:ايه؟! يعنى ممكن ميقبلش وجودى.

ماكو:اه بس ماتقلقش انا حاسس انة هيقبلك

انا:هنشوف ياريت يقبلنى

طلع احمد و ماكو للجبل و ماكو كان متعود على التعب انما احمد كان بينهج جدا و هيموت و بعدين اتعدل احمد و بص كده و فتح عينيه على اخرها و بقة اتفتح على اخرة شاف اربع عمدان منحوتين بشكل جمييل جدا و فى الوسط زي شعلة صغيرة وسط قدرة كبيرة و شخص كبير و دقنة كبيرة و قاعد قدام القدرة و بيبص على القمر و القمر كان منور على المكان و على الراجل كان الشكل جميييل جدا اتعدل احمد لقى واحدة بتقرب عليهم لابسة زي قماش حولين جسمها و كانت جمييييلة جداااااااا احمد انبهر من جمالها

البنت:الزعيم هيقابلكم بعد دقائق استنو هنا و اشربو شاي الاخضر

ماكو:حاضر يلا يا احمد

انا:واراك

قعدو هما الاتنين جمب عمود من الاربعة و شربو الشاي بعد نص ساعة الزعيم فتح عينيه و بصلهم بضحكة

احمد حس براحة و طمأنة من وش الزعيم

الزعيم:اهلا بيك فى قريتنا اتمني يكون ماكو ساعدك و ابتسم

احمد ارتاح اكتر لصوت الراجل الى كان كأنة بيحسسك انك فى بيتك

انا:احنا لسا معملناش حاجة الصراحة انا اول لما جيت قالى اقابلك

الزعيم:دي تقاليدنا لازم اول الزائر يقابلنى و اانا اختار يقعد ولا لا اتمنى مزعجكش بالتقاليد

انا:لالا خالص انا بشكرك انك استقبلتنى

الزعيم ابتسم:انت جاي هنا ليه يا احمد

انا:انت عرفت اسمى منين؟

الزعيم:كل اللى فى القرية بيعرفو اسم الزائر اول لما يطلب التذكرة دي تقاليد

انا:تمام تقاليد غريبة

الزعيم ضحك:هههههه جاوبنى على سؤالى ياحمد

الزعيم قرر يشوف احصائيات احمد عشان يتطمن

الاسم:احمد

المستوى:0

القوة:0 الرشاقة:0 الذكاء:0 القوة:لا توجد

الزعيم اتخض لانة عمرة ماشاف احصائيات كده ولا عمرة شاف شخص ماعندوش قوة بعدين انتبه ل احمد

انا:انا جيت هنا الحقيقة عشان ابقى اقوى انا مش هفضل كده فى الدنيا ضعيف لازم ابقى اقوى بطل مشى على الارض

الزعيم ابتسم شوية من ت**يم احمد و العزم فعنيه

الزعيم:بس ازاى هتعمل كده من غير قوة انا شايفك ضعيف جدااا جدااا

انا بزعل شوية:انا ماينفعش افضل كده انا قررت اني هعمل تدريب معين هيخليني اقوى

الزعيم:تدريب ايه الى يخليك اقوي ده؟

انا: 100تمرين ضغط

100تمرين بطن

100تمرين ق*فصاء

و الجري 10كيلومتر كل يوم لمدة اربع شهور الى هقعدهم

الزعيم ضحك باستهزاء:بس انا عارف انك مش هتستمر بالتمرين ده

انا بعزم:لا هستمر و هتشوف كلكو هتشوفو

الزعيم:على العموم يا احمد انا موافق انك تقعد على جزيرتنا المدة اللى انت عايزها بس هتضطر تدفع اقامتك فى الفندق انت معاك فلوس؟

انا:معايا 100ج بس

الزعيم:دول يقعدوك اسبوع خد دول

الزعيم ادا احمد 300ج

و قالو:دول يقعدوك شهر و هنشوف هتستمر ولا لا بس انت لازم تجيب بقيت فلوسك

انا:ازاي اجيب فلوس انا معنديش حد يبعتلى حاجة

الزعيم:اشتغل فى القرية شوف حد محتاج شغل و اشتغل و هيد*ك اجرك

انا:انا موافق بس عندي سؤال ازاي جزيرة انتم لوحدكم عليها و مفيهاش اي زنازين؟

الزعيم بان عليه الزعل:احنا عندنا يابنى بتظهر الزنازين زي العالم كلة بس قبل مابتظهر انا بعرف و ببعت رسالة لشركة عشان تبعتلى مجموعة ابطال يقفلوها و بنديهم اجرهم بس مؤخرا الزنازين ابتدت تظهر و الشركات مابتبعتش ابطال و مضطرين نعيش فى خوف من الوحوش.

انا:طب انت ازاى بتعرف؟ وليه مابتحاربوش انتم؟

الزعيم:انا قوتى هي الاحساس بقدر احس بالخطر من اي حاجة شخص وحش ارض سما و ده بيعرفنى فين الزنازين من نية القتل الى بتطلع من الوحوش مابنحاربش عشان كلنا ضعاف قدرتنا غير قابلة للتطوير و مش قتالية ضعيفة

انا:ايه هي نية القتل؟

الزعيم:كل شخص بيطلع منة هالة بتعرفك الشخص ده تستريحلة ولا تخاف منة نية القتل بتخلي الهالة تبقى سودة و تزود الخوف و كل وحوش الزنازين بتطلع النية دي

الزعيم شغل قدرتة على احمد و حس بهالة اقل من هالة نملة مفيش منها خوف اكنة مش موجود

انا:انا اسف اني سألت كتير

الزعيم:ولا يهمك يا احمد لو احتجت اي حاجة تعالى الجبل و اسألنى على الى انت عايزو انا علطول هنا

انا:شكرا

ماكو:دلوقتى يااحمد يلا نروح على الفندق عشان تختار اوضة و تنام النهاردة

انا:اه انا لازم انام و استريح النهاردة لان بكرة هيبدأ التدريب بتاعى

ماكو نزل و احمد بص على الزعيم لقى الزعيم بيضحكلو و يشاورلو احمد اطمأن و نزل ورا ماكو و مشيو فى القرية و هما ماشيين احمد لاحظ ان محدش فارق معاه منظر احمد كلهم بيبتسمولة و بيشاورولة و هو عمرة ماحس بكده و كان ناس طيبين و حلوين بعدين وقفو قدام مبنى كبير و شكلو حلو مبنى من الخشب و شوية قش

ماكو:يلا ندخل الفندق و تشوف اوضتك

دخلنا الفندق لقينا زي صالة فاضية و لمبة نازلة من السقف و فية طرابيزة طويلة و ست واقفة وراها قربنا عليها

انا:اهلا انا احمد

الست ببرود:عارفة

ماكو:دي ماريتزا هي المسؤولة عن الفندق هتشرحلك كل حاجة انا مضطر امشى لان الوقت اتأخر ولازم اشوف اهلى

انا استغربت لانى مسألتش ماكو على نفسو

انا:ماريتزا انا عايز اوضة لمدة تلت اسابيع بس

ماريتزا:ماشى هيبقى 300ج ليك تلت وجبات فى اليوم بتكتب الى انت عايزو فى ورقة و تديهالى قبل ماتنام للفطار و غذا و عشاء م***ع الازعاج ولا اي نوع من انواع الدخان اتفضل اوضتك

انا:تمام اتفضلى.....ممكن تقوليلى على مكان اقرب مطعم

ماريتزاد:اخر الطريق جمب بيت الزعيم هتلاقى المطعم

انا:شكرا

خرجت من الفندق و مشيت لقيت ناس بتشاورلى شاورتلهم وصلت للمطعم لقيت ترابيزات برا و فى زي مطبخ كده جوا بيت خشب و انا واقف لقيت فجأة ولد صغير نط قدامى

الولد:ازيك انا شانتي اتفضل على التربيزة

انا ضحكت على اسلوب الولد فى الحركة و ضحكتة البريئة

و دخلت قعدت على طريبزة و جالى شانتي

وقالى: تحب تاكل ايه احنا عندنا كل حاجة و من اي مكان فى العالم اطلب اي اكلة

انا:انا عايز اكل ب50جنيه اكل كتير عشان ده اخر يوم اكل براحتى

شانتي بس باستغراب:اخر يوم اكل براحتك؟

انا:متشغلش بالك

شانتي:ماشى احنا عندنا اكل كتير هجبلك لحمة و فراخ و رز كتير

انا:شكرا ليك

بعد ساعة جابلى الاكل و كان كتييير انا استغربت ازاي 50ج تجبلى اكل بالكمية دي و بدأت اكل بفجع و فضلت اكل و الناس تبصلى و تضحك بعد مخلصت اديت شانتي الفلوس و مشيت

شانتي:اتمنالك التوفيق فى حياتك نورنا تانى

انا:شكرا هاجي اكيد

بعدين روحت على الفندق و دخلت اوضتى لقيتها اوضة عادية طربيزة مكتب و قدامها كرسى شباك فى وش الباب و سرير تحت الشباك و مكنش فيه لمبة ولا مروحة لان القمر منور الاوضة كلها تشوف واضح و الهوا جاي من ناحية الشجر كتيير كأنك فى تكييف بصيت لقيت شنطتى كان ماكو خدها مني اول لما نزلت غيرت هدومى و فردت جسمى على السرير و بصيت على القمر

انا : بكرا اول يوم تدريب لمدة 122 يوم ه**ر كل عضمة فى جسمى افتكرت ورقة الاكل كتب لماريتزا اكلى و هو

الفطار: موزة الغدا:رز بالبيض العشا:حته لحمة

و نزلت ادتهالها و طلعت تانى و غمضت عينيى و انا بقول هوصل و نمت

فى وسط الجزيرة بعيد عن القرية ب50كيلو تحت نور القمر جوا كهف كلة ضلمة زنزانة فتحت و قفلت بسرعة.

وبكده ينتهى الجزء التانى