Paglipas ng ilang araw ay nagsimula na ang pasukan ni Barbie sa school kaya lagi nang maghahatid si Eliana sa alaga niya sa school. Wala namang problema dahil malapit lang ang private school na papasukan ng kanyang alaga sa malaking bahay ng mga Delgado.
Maaga pa ay nakahanda na si Eliana. Fresh na fresh na siya sa kanyang suot na damit. Sinipat pa niya ang kanyang sarili sa malaking salamin ng kwarto nila ni Tiyang Norma .
Mas lalo pa siyang pumuti ngayon, lalo na sa suot niyang t-shirt na black at pinarisan ng brown na pedal pushers. Kaya sobrang attractive tuloy siyang tingnan. Sinuklay na niya ang mahaba at basang buhoksa harap ng salamin.
Pumasok naman si Aling Norma, galing ito sa kusina, maagang kumuha ito ng kape nito. Nagkakape muna kasi ito 4: 30 am at pagka 5:00 am ay nags
