CARL
Naglipat-lipat ang tingin ni Andrew sa kanilang dalawa ni Denise. Mukhang hindi nagustuhan ng lalaki ang katotohanang magkakilala sila ng ka-date nito ngayong gabi. Hindi nakatiis, nagtanong na ito.
“Magkakilala kayo?”
“No,” mabilis na sagot ni Carl.
“Yes,” sabi naman ni Denise.
Kahit nainis ay pinanatili ni Carl na blangko ang bukas ng mukha. Hindi na niya pinag-aksayahan ng panahong tingnan pa si Denise. Basta na lang siya kumilos para umalis pero nahagip ng babae ang kaliwang braso niya. Nagsalubong ang kilay ng binata, nasa kamay ni Denise nakatutok ang paningin. Unti-unti, nag-angat siya ng tingin at sinalubong ang mga mata ng babae.
“Excuse me, miss. That’s harassment.”
“Really, Carl? Parang wala tayong pinagsamahan, ah.”
Hindi siya kumibo. Sa halip, isa-isa niyang inali
