12

4859 Words

سلطان:سلام جاسم زميله: آهلين كابتن سلطان ها جاهز للرحله سلطان:أكيد يا كابتن جاسم جاهز جاسم:جايينك يا أميركا سلطان:ههههه اللي يسمعك يقول أول مره نروح لها انا ابغى افهم ما في احد يروح لرحلات أميركا غيرنا جاسم:والله يا كابتن سلطان قل هالكلام لمنظم الرحلات مو لي سلطان:مو ذابحني إلا منظم الرحلات هذا جاسم:ههههههه سلطان:توكلنا على الله جاسم: والنعم بالله يله طلعوا من المكتب وبدوا يمشون متوجهين للطياره &&&&&&&&&&&&&& دخلت المستشفى وراحت تبدأ مناوبتها ندى وحده من الممرضات وزميلة آلاء:آلاء ألاء:هلا ندى بغيتي شي ندى:ابد بس ابغاك توقفين مكاني شوي في الاستقبال بودي أوراق وأجي آلاء:طيب مو مشكله راحت وقفت مكانها دخل بنفس خايسه:نوره عايض ال...أي غرفه آلاء طالعت الواقف قدامها اللي قاعد يطالعها باحتقار وكان الناس عنده حشره:لحظه أشوف وبدت تدور في الكمبيوتر الشخص الواقف قدامها بنفس خايسه:اخلصي سنه آلاء:غرفة 102 الرجال الواقف قدامها:الحمد لله على السلامه سنه علشان تعطينا رقم غرفه وهو ماشي سمع آلاء اللي كانت تكلم نفسها بهمس :صدق من قال(يا صاحِ إنَّ الكبرَ خُلْقٌ سيءٌ :: هيهاتِ يوجدُ في سوى الجهلاءِ) عصب من كلامها والتفت لما سمع ندى تناديها:آلاء يا عمري مشكوره آلاء:لا عادي حبيبتي انا بروح أشيك على المريضه اللي طالعه من الملاحظه ندى:اوكي رجعت ندى مكانها وآلاء راحت تطل على المريضه وتتاكد من راحتها وصحتها تحت أنظار حاقده &&&&&&&&&&&&&&& في المدرسه في الصف كل مره تشوفها تتكلم و تسولف ولا تدري عن الدرس وبعصبيه:وبعدين يعني البنت وهي قاعده:نعم أستاذه هبه أنتي تكلميني هبه:لا اكلم الجدار اللي وراك البنت:اوكي فكرتك تكلميني انا .....وتلتفت على الجدار:يا جدار رد الاستاذه تكلمك البنات:ههههههههههه هبه:تصدقين دمك خفيف عطيني اسمك بسرعه البنت:سوسن يامن العلي تبغين رقم الجوال بعد ما عندي مانع هبه بحزم:برا اطلعي برا البنت:لا ماراح اطلع هبه جاتها وهي معصبه وتمسكها من يدها وتسحبها وتفتح الباب وتطردها:لا عاد أشوف وجهك داخل الفصل في حصتي فهمتي جات المرشده :خير يا أستاذه هبه هبه بعصبيه:اسمعيني أستاذه هياء هذي الطالبه تنزلينها عند المديره هذي طالبه مستهتره لأبعد الحدود وقليلة أدب أستاذه هياء بعصبيه:وأنتي كل مره تسوين مشكله وبعدين معاك يا سوسن وبعدين يله قدامي على المديره البنت:زين لا تصرخين ومشت والاستاذه هياء وراها رجعت هبه لفصلها وصكت الباب وبهدوء: نرجع لدرسنا &&&&&&&&&&&&&& في المدرسه الثانويه وتحديدا في فصل 3/4 أدبي المعلمه:لا انتو مصختوها ما في احترام مدى بصوت واطي:مصخناها ولا حليناها البنات :ههههههههه المعلمه تدور مين وين يطلع الصوت وبعصبيه:أصلا هذي اللي تقلد الصوت مو متربيه مدى:أحسن منك البنات:ههههههههههه الاستاذه:لو فيها خير توقف وتوريني طولها مدى:ليه بتفصلين لها فستان البنات:ههههههههههه الاستاذه وهي تأخذ أغراضها:الدرس مشروح مدى:لا تكفين بنموت أصلا احنا ما نفهم شي كأنك تتكلمين فلبيني البنات صار يضحكون والاستاذه طلعت وهي معصبه ومفوره من البنت اللي ما تدري من هي ومن السنه اللي فاتت كل مره تدخل تبغى تشرح درس تطلع البنت الصوت وتخرب عليها &&&&&&&&&&&&&&&& كان عندها بالغرفه وطلع بعد ما سمعها كلام يسم البدن وسمع جواله يرن رد وهو معصب:خير الطرف الثاني: يامن يامن:من معي الطرف الثاني:انا أنوار يامن:ايه هلا خير أنوار:وين يجي الخير وبنتك كل يوم مسويه مشكله مع أستاذه يامن:وش مشكلته أنوار:هالمره مشكله مع مدرسة رياضيات والاستاذه طردتها يامن:وشلون تطردها هي ما تدري هي بنت من أنوار:إلا تدري وما يهمها يامن:وش اسم المدرسه خلني افصلها من شغلها أنوار:لا هذي غير ما تقدر تفصلها يامن بسخريه:ليه بنت الوزير وآنا ما ادري انا افصلها وافصل أبوها معاها أنوار:لا وأنت الصادق بنت الزايد يامن تفاجأ :الزايد عائلة الزايد ما غيرها أنوار:ايه يامن لا هذي ما نقدر نفصلها اووووف منك يا سوسن:طيب عطيني إياها اكلمها تدخل البنت الحصص وأرقع في السالفه شوي أنوار:طيب طلبت المديره أنوار من الفراشه تنادي هبه اللي جات وأول ما شافت سوسن عصبت وفورت:نعم المديره تمد لها التلفون:تفضلي مكالمه لك هبه باستغراب:مين المديره أنوار:والد الطالبه سوسن هبه:وآنا ليه اكلمه المديره أنوار:هو طالبك علشان يكلمك عن بنته هبه:ما بيني وبينه كلام ليه هو من محارمي وآنا ما ادري وبعدين بنته هالمستهتره ما ابغى أشوف وجهها في حصص لي ابد وأخر الفصل من الحين تعتبر عمرها راسبه وإذا احد ما رباها انا بربيها يامن اللي سمع كل الكلام اللي قالته هبه:انا بنتي مو متربيه والله لأعلمك أنتي التربيه على أصولها ...وسكر الخط وهو معصب: انا أعلمك وطلع من المستشفى وهو معصب (أنوار تصير بنت عم يامن علشان كذا سوسن ما عليها من احد) &&&&&&&&&&&&&& وقت العصر قاعد في الوسط بين عياله الاثنين وولده يصارخ:هذا اللي ناقص تسافر للخارج احنا ما عندنا بنات يسافرون صافي:هد يا صالح الله يهديك صالح:وش اهدي اقولك البنت بتسافر تقول لي هدي انت عادي عندك ايه انا من شفتك مخلي بنتك تشتغل بالمستشفى بين الرجال وآنا غاسل يدي منك صافي اللي نادرا ما يعصب:صالح ما اسمح لك تغلط على بنتي وآنا الحمد لله واثق في تربيتي ما يحتاج اخنقها وأقيدها زي بعض الناس صالح:وش قصدك الجد خليفه وهو يض*ب العصا بالأرض:بس خلاص انتو الاثنين ...وبعد سكوت لحظات :بنجيبها هنا وتكون تحت عيونا صافي:يبه انت عارف ان أمها ما راح تخليكم تأخذونها ولا نسيت الاتفاق الجد:لا ما نسيت صالح:اخخخ بس لو هي وافقت وتزوجتها كان الحين مربيها هي وبنتها صافي في نفسه:ليه أيه مجنونه تتزوج واحد معقد مثلك الجد:دانه هي اللي بتجيبها صافي:ودانه وش دخلها بالموضوع الجد:دانه جاتني اليوم وطلبت مني اخلي أختها تجي عندنا وتتعرف على الكل وتقعد معها كم يوم صالح:و لما تجي ما راح نخليها ترجع وأمها إذا كان فيها خير تروح تشتكي الجد:بالضبط صافي اللي ما عجبه اللي يسوونه ابوه وأخوه اللي يتحكمون في كل شي وخانقين الكل قام الجد:وين صافي:عندي كم شغله لازم أخلصها طلع من المجلس وهو لايعه كبده من تفكير أهله المتحجر &&&&&&&&&&&&&& في غرفة الجده الجده قاعده مع دانه وتهمز لها رجولها و تسولف وتضحك الجده:ايه يا بنيتي هنا يعورني دانه:بسم الله على قلبك الجده:جعل عيني ما تبكيك دخل الجد:سلام عليكم دانه وهي توقف :وعليكم السلام الجد جلس جنب دانه :يا أبوك يا دانه دانه:سم يبه الجد خليفه:خلي أختك تجي وتقعد معك مثل ما تبغى دانه بفرحه:صدق يبه....وتقوم وتبوس رأسه:الله يخليك لي يالغالي ولا يحرمني منك الجد:ولا منك دانه:أترخص أروح اتصل عليها وأقول لها راحت و الجده تطالع زوجها بنظرات شك هي تعرفه وتعرف ان تحت رأسه شي الجده بهمس:وش تحت راسك يا خليفه الجد خليفه:وش بيكون تحت راسي يا مره ولا شي الجده:انا أعرفك ما تخلي بنت أيه اللي انت ما اعترفت فيها من سنين تجي الحين إلا وأنت تفكر في شي الجد خليفه قام:أقول اتركي عنك هالعلوم والأمور اللي ما لك فيها ولا تتدخلين في أمور ما تخصك ومشى والجده تهز راسها وهي حاسه ان في مصيبه جايه:الله يستر &&&&&&&&&&&&& جاء من الشغل تعبان ورمى نفسه على الكنبه وغمض عيونه حس باحد يمسح على رأسه فتح عيونه وطالعها وش كثر يحبها ويغليها حبيبته غصون :حياتي تعبان معاذ وهو يبوس يدها:ايه غصون:سلامة قلبك ويعطيك العافيه معاذ:الله يعافيك غصون:أحط لك شي تأكله حبيبي معاذ:لا ما لي نفس بس ابغى أنام غصون:قوم نام بالغرفه أريح لك السرير من الكنبه معاذ وهو يسحبها:لا أنتي تعالي نامي معاي بالكنبه وآنا كذا برتاح غصون:بس بتعور جسمك معاذ وهو يغمض عيونه:أي مكان أنتي معاي ما أحس فيه إلا بالراحه غصون:هههه حياتي طيب نام..وصارت تمسح على شعره وغط معاذ في نوم عميق بسبب تعب الشغل &&&&&&&&&&&&&& في غرفتها وهي تكلم أختها بحماس:ايه والله وافق بانه بسخريه:يالله وأخيرا تفضل بالرضى علينا بابا نويل دانه باستغراب:من بابا نويل بانه:جدك دانه:بنو لا تقولين عنه كذا ترضى ما ارضى بانه:عشتوا دانه:يالله منك يا بانه بانه:خلاص سكتنا لا تموتين علينا دانه:المهم وش قلتي تجين بانه:امممممم ليه لا على الأقل اشوفك أخر مره شفتك فيها لما جيت في المدرسه دانه:ايه تذكرين لما لبستي مريول و جيتي مدرستي والكل ما عرف يفرق بينا لاننا توأم بانه:ايه ههههههههههه دانه:ههههههههه والاستاذه تناد*ك دانه وأنتي ما تردين بغيتي تفضحينا بانه:وش أسوي نسيت انها تقصدك دانه:ههههههه انا راح أقول لجدتي ونجي لك بانه:ماله داعي عطيني العنوان وآنا أجي دانه:اوكي &&&&&&&&&&&&&&&&& لهنا أوقف واترك لكم حرية التعليق ودي لكم قلب امي وروحها &&&&&&&&&&&&&&&&&&& توأم لكن انا غير ومالي مثيل وراسي ع**ده &&&&&&&&&&&&& البارت الثالث &&&&&&&&&&&&&&&& قاعد في الصاله ومبين عليه الضيق جاته وجلست جنبه:وش فيك عسى ماشر صافي بابتسامه باهته:ماشر بس زي العاده أبوي وصالح يسوون أشياء ما تعجبني لمياء:ليه وش فيهم هالمره صافي:يبغون يجيبون بنت عبد العزيز الله يرحمه لمياء بتفاجأ:قصدك توأم دانه صافي:ايه لمياء:وش ذكرهم فيها اخبر عمي ما يبغى يشوفها وكارهها لأنها تربية أمها صافي:أبوي درى ان البنت سجلت للدراسه في الخارج وقرر يجيبها عنده في البيت كأنها تزور دانه وبعدها ما يخليها ترجع لامها لمياء:لا حول ولا قوة إلا بالله بس كذا أمها أيه بتسوي مشاكل صافي:لا يرحمون ولا يخلون رحمة ربهم تنزل لمياء وهي تحط يدها على يده:هد بالك ولا تعصب واللي يخليك ترى ما أحب اشوفك متضايق صافي بحب:يخليك لي يا حلو ويلوموني ليه أحبه لمياء:ههههههههههه التفتوا لصوت الدرج اللي نازل منه لافي وهو مسرع و لابس بدلته العسكريه حقت الدفاع الجوي:توصون على شي صافي:ليه عندك مناوبه لافي:ايه توهم متصلين فيني لمياء:يا يمه انتبه على نفسك وعلى الطريق لافي وهو يبوس رأس أمه:من عيوني صافي:الله يوفقك يا ولدي لافي دق تحيه عسكريه لأبوه وأبوه رد له التحيه وبدوا يضحكون ولافي باس رأس ابوه وطلع وركب سيارته وراح على شغله &&&&&&&&&&&&&&&&& خلصت تلفون من أختها ونزلت تقول لجدتها ان أختها بتجي اليوم علشان جدها يجمع الكل ويتعرفون عليها ولما وصلت عند باب غرفة جدتها وقفها اللي سمعته الجده :بيجيبها عندنا سلماء:أنتي من جدك يا يمه وش الطاري هو طول عمره يكرهها لأنها تربية أمها نجود:طيب يمكن علشان خاطر دانه الجده:تلعبين على نفسك ولا علينا ومن متى أبوك يحط خاطر لأحد سلماء:هجل ليه يبغى يجبها الحين الجده:انا اعرف علشان ما تسافر سلماء:طيب هو على وشو ناوي الجده:والله انا ما ادري بس أحس السالفه تتعلق بسفرها للخارج لان دانه قالت لي ان أختها راح تسافر برا تدرس وانتم تعرفون أبوكم نجود:لا حول ولا قوة إلا بالله بس تصدقون على هذا كله انا مبسوطه لاني راح أشوف بنت عبد العزيز بعد كل هالسنين الجده وعيونها تدمع:ايه والله صحت على نفسها وهي لحد الحين واقفه بس طقت الباب علشان تقول اللي جايه علشانه ودخلت الجده:هلا بنيتي بغيتي شي دانه:ايه انا كلمت أختي وهي قالت بتجي بكره بس انا اصريت عليها تجي اليوم علشان يمدي اقعد معها قبل لا تسافر وابغى تقولين لأبوي الجده:طيب انا بقول لجدك علشان يجمع الكل اليوم دانه ابتسمت وطلعت من الغرفه وقبل لا تصعد الدرج سمعت أصواتهم وراحت للصاله الكبيره ودخلت ولقت هبه, أسير ,مدى,رواء,روابي دانه:السلام عليكم الكل:وعليكم السلام دانه:وين رؤيه هجل مدى:وليه يا بعد عمري احنا ما نعجب ولا ما نملى العين دانه:لا حبيبتي بس تعرفين ان أكثر وحده قريبه مني رؤيه سمعوا صوت ينادي:يا ولـــــــــــد يـا ولــد البنات نزلوا البراقع اللي رافعينها على وجيهم وعدلوا جلالاتهم أسير:ادخل يا زين الشباب كلهم يا أحلى اخو لأحلى اخت مقعد:ترى معي يزن ومازن أسير:حياكم دخلوا :السلام عليكم الكل:وعليكم السلام....وقعوا الشباب بعيد في نهاية الصاله يزن:أخبار بنت العمه والعم الكل:تمام مازن:أخباركم مدى:ما سمعت نقول بخير ولا الأخ ا**خ مازن:اشتغل ا****ن اللهم يا كافي يزن:احمي نفسك يا خوي لا تجيك الطلقات الناريه مدى:ها ها ها بموت من الضحك أسير:الله يرحمك وعظم الله أجرك ارتحي وريحتي مقعد:ههههههههه مدى:ان شاء الله عدويني يزن:إلا وش أخباركم مع الجامعه والسنة الجديده دانه:الحمد لله ما شي الحال مدى شهقت:يههههههه الكل التفت لها هبه:وش فيك يالخبله شهقتي مدى التفتت على دانه:إلا صدق اللي سمعته دوين دانه:وش سمعتي مدى:ان أختك بتجي عندنا الكل التف يطالع دانه:ايه بس أنتي وشلون عرفتي انا ما قلت لأحد مدى تصرف:ها ..ايه ..ههههههه..هذي قصه طويله روابي:لا قصه ولا هم يحزنون إلا قاعده تتسمعين جعل إذنك البتر مدى:لا تدعين على إذني بعدين والله أطيح بكبدكم مقعد:ما يحتاج تدعي أصلا أنتي طايحه من الحين الكل:ههههه ههههههههه مازن:أي اخت أنتي عندك اخت روابي:ايه وش فيك مو عندها اخت اللي توأم لها مازن تذكرها:ايه. ايه تذكرتها إلا غريبه بعد كل هالسنين راح تجي عندنا هبه:ايه والله وش الطاري دندون دانه:لا بس انا قلت لها تجي وتتعرف عليكم وهي وافقت مدى نطت عند دانه:يا سلااام يعني نفر جديد أسير:والله حماس رواء اللي أخيرا رفعت راسها من كتابها وتكلمت:هذا مو حماس هذا تدافع الأدرينالين ويضفي شعور يسمى الحماس مدى:يا ربي متى ارتاح من الحالات المستعصيه اللي في بيتنا رواء وهي تعدل نظارتها:وش قصدك يا مزمزيل مدى مدى:ولا شي يزن:أقول رواء أنتي تعرفين للتحليلات النفسيه صح رواء:اعرف البعض قريت عنها في بعض الكتب يزن:طيب لو أقول لك كلمه تحللينها وتعطيني معناها مازن بهمس:وش ناوي عليه يزن:اصبر رواء:اعتقد اقدر انت قول وآنا أشوف يزن:وش معنى كلمه الحب أو ما تفسيرها عند المحللين رواء:الحب هذا غباء مازن مسك ضحكته أما مقعد:ههههههههههه يزن وهو متفاجا:غباء شلون يعني غباء رواء:يعني الحب شي غ*ي هو صحيح فسروه علماء النفس تفسير ثاني بس انا من وجهة نظري هذا غباء يزن وقف وهو معصب مازن وهو فيه الضحكه:وين يزن:مالك دخل ...وطلع وبعدها لحقه مازن مقعد وقف:يله سلام الكل:سلام هبه:وش فيه يزن رواء:وآنا وش عرفني ...ورجعت تقرا الكتاب اللي في يدها أما في الحديقه مسك يد أخوه يوقفه وهو ميت ضحك يزن:خلصت ضحك مازن:ههههههههههه كح كح كح يزن:إذا خلصت ضحك دق علي مازن:خلاص بس والله ردها ما توقعته يزن:بتموتني قهر أقولها الحب تقولي غباء مازن:ههههههههههه والله ما توقعت ترد عليك كذا يزن:انا ما أكون يزن صالح ان ما خليتها تموت على هالغباء مازن:اقولك أنساها رواء بنت ما تعرف غير الكتب والتحليلات النفسيه يزن:هي تفكر نفسها عالمه انا بعلمها علم جديد هي ما تعرف عنه شي ابد مازن:وش بتسوي يزن:بعلمها الغباء مازن:ههههههههه هههه &&&&&&&&&&&&&&& في مكان ثاني وموقع ثاني تحديدا في مركز الشرطه صوت الصراخ واصل لأخر الدنيا:بتعترف يا حيوان ولا لا الرجال المقبوض عليه ينتفض:ا..انا...مـ..ا..لي..دخـ...ل يوسف قرب منه وعطاها كف ومسكه من ملابسه وهو يصرخ عليه بعصبيه:تكلم أحسن لك لا أخلي رجولك هذي ما تقدر توقف عليها اعترف من كان معاك الرجال:و..الله ..هـ..و قال.. لي..العـ.. ـملـ..يه بسـ.يـ..طه يوسف:عطني اسمه انطق بسرعه الرجال برجفه وخوف:انـ..ا بقـ..ول كـ..ل شـ..ي يوسف:هذاني أسمعك &&&&&&&&&&&&&& نزلت تحت لقت أمها وعمها جالسين سلمت بدون نفس وهي منق*فه من وجهه وجلست بانه:أقول يمه الأم أيه:نعم حبيبتي بانه:بروح ازور أختي الأم أيه وقفت وهي متفاجاه:أي اخت بانه:وآنا كم عندي من اخت أكيد وحده دانه الأم أيه:أنتي انجنيتي بانه:لا والله انا صاحيه وبروح لها بعد شوي الأم أيه:لا مستحيل اسمح لك تروحين للشايب ذاك بنفسك بانه:وليه الأم أيه:أنتي ما تعرفينهم بانه:ومع كذا بروح الأم أيه:وآنا قلت لا بانه:بس انا ما جيت اخذ رايك انا جيت أعطيك خبر بس سعد:أنتي ما سمعتي أمك وش قالت بانه بكره:سمعت وأنت لا تتدخل في شي ما يخصك وآنا قلت اللي عندي بروح وبنام عندها بكره وبعده بروح المطار انا جهزت شنطتي بس وقت السفر أخذيها معاك يا يمه وروحي المطار وآنا بجيك هناك الأم أيه:وأنتي تظنين جدك الشيبه بيخليك تسافرين احلمي إذا كنتي تظنين الموضوع سهل كذا بانه بابتسامه ثقه:ما في احد يقدر علي لا تخافين اشوفك بعد بكره في المطار وصعدت الدرج علشان تلبس عبايتها وتروح لأختها وتركت وراها أمها المنقهره من بنتها اللي ما تسمع لأحد وتسوي اللي برأسها وبس &&&&&&&&&&&&&&& خلونا نطلع من ارض ابو متعب ونروح للخارج عند سلطان اللي بأميركا هو وجاسم بعد ما وصلوا أميركا توجهوا للفندق وارتاحوا وناموا لهم ساعتين وبعدها صحى جاسم على صوت جواله وقام طلع من الغرفه يكلم ورجع لسلطان:سلطان..سلطان قوم بسرعه سلطان وهو لحد الحين فيه النوم:خير وش تبغى جاسم:يله قوم والبس ورانا رحله سلطان باستغراب:خير وش رحلته تونا واصلين من ساعتين جاسم:واحد من الطيارين صارت له ظروف وما حضر وحطونا مكانه لان ما في احد غيرنا سلطان:لا حول ولا قوة إلا بالله و الرحله على وين جاسم:على ألمانيا يا حلو يله قم بسرعه سلطان وهو يقوم:يله هذاني قايم بس عطني 10 دقايق اخذ شور والبس جاسم وهو طالع :انا بلبس وبنزل انتظرك تحت سلطان وهو داخل الحمام(أكرمكم الله):طيب دخل وخذا شور ولبس ونزل تحت لجاسم وتوجهوا للمطار علطول &&&&&&&&&&&&& جاء الوقت المحدد والكل تبلغ ان الجمعه عند الجد اليوم الكل حضر وجلسوا في الصاله الكبير حقت الجمعه والجد يحب كل العايله مجتمعين مع بعض في الصاله الكبيره الجد جالس مع الجده في الوسط والرجال والشباب على جهة اليمين والحريم والبنات على جهة اليسار وطبعا في مسافه كبيره بينهم لان الصاله كبيره الكل حاضر إلا هي برا في الحديقه تنتظر وصول أختها على نار وصلت السياره عند الباب المطلوب وصارت تطالع البيوت الثلاث بانه:تقول البيت الوسطي والله وطلع هالشيبه بابا نويل مو سهل نزلت من السياره ودخلت البيت الوسطي وصارت تمشي لحد ما لمحت وحده جالسه في الحديقه عند دانه لما شافتها واقفه من بعيد عرفتها كيف ما تعرف توأمها قامت وصارت تسرع في مشيها لها وصارت شبه تركض لها وحضنتها بقوه وعيونها مليانه دموع دانه وهي ضامه بانه:بانه حبيبتي وحشتيني بانه:ههههههه ارحميني خنقتيني دانه وهي تبعد:مو مصدقه أنتي عندي وفي بيتنا بانه:لا صدقي دانه وهي تمسك يد أختها:اشتقت لك بانه:حتى انا اشتقت لك كثير دانه وهي و تسحب يد أختها وتدخلها داخل البيت:تعالي الكل داخل خليني أعرفك عليهم وخليني اوريهم أختي اللي كله أتكلم عنها بانه:ههههه يعني انا الحين مشهوره انه:شي زي كذا مشت وياها لحد ما دخلت البيت ودخلت الصاله الكبيره والكل صار يطالعها و يطالع عبايتها الكتف واللثمه اللي حاطتها ع** دانه اللي لابسه برقع وجلال وهي صارت تطالع الكل وتقيمهم تقييم أولي مثل ما تعودت لما تشوف أي احد &&&&&&&&&&&&&&&& خلونا نتركهم ونروح للمطار جالسين في أماكنهم ويستعدون للإقلاع وطلب من الركاب ربط أحزمة الأمان وبعد لحظات جات المضيفه (الكلام بالانجليزي بس انا بكتبه عربي) المضيفه:عفوا كابتن سلطان:نعم المضيفه:هناك راكبه تسبب المشاكل فهي تطلب منا إنزال المدرج وتريد النزول وعندما رفضت طلبت مني إحضار كابتن الطائره سلطان استغرب والتفت على جاسم جاسم:رح شف يا أخي وش السالفه سلطان:طيب راح وراء المضيفه ولما وصل سمع للبنت تكلم المضيفه بلهجه سعوديه البنت:ساعه ويا ذا الوجه تنادين اللي يسوق الطياره المضيفه ما فهمت شي:عفوا البنت:يا شين الثواره أقول انتبهت البنت على سلطان:انت اللي تسوق الطياره سلطان ضحك على طريقه كلامها في نفسه:عفوا شلون اقدر أخدمك البنت:ابغى انزل الحين سلطان:نعم وش بغيتي البنت:انت ا**خ ما تسمع اقولك لك ابغى انزل سلطان صار يطالع البنت كانت لابسه بلوزه سوداء وبنطلون اسود وحجابها اسود ونظارات دواوير بس هالاشياء ما أخفى جمالها البنت:خير معجب تطالعني كذا و تبغى صوره سلطان بدا يعصب:استغفر الله البنت:ليه شايف جني قدامك سلطان:يا أختي ليه تبغين تنزلين يعني خايفه من الطيران البنت:وأنت وش دخلك ليه ابغى انزل لا يكون انت طرزان الشجاع اللي ينقذ الناس من الخوف خلصني ابغى انزل سلطان في نفسه وجع وش طولت ا****ن ذي:طيب ليه ركبتي يوم انك تبغين تنزلين البنت:يا شين اللقافه وش دخل أمك انت سلطان اللي عصب:احترمي نفسك واتركي عنك طولت اللسان البنت:لا تكفى ما بقى إلا تض*بني سلطان:نزول ما فيه وما دامك ركبتي انطقي واربطي حزام الأمان وبسك سخافه صدق من قال ان لم تستحي فافعل ما تشاء مشى وخلى البنت وراه وهي عيونها طالعها من محلها وبعد ما استوعب وش قال البنت:مالت عليك اووووف يا ربي ابغى انزل انا الغ*يه اللي اركب طيارات وآنا ما أحبها وعندي فوبيا من الارتفاع لو إني مسافره بطريقه ثانيه ابرك رجع لجاسم وهو ينفخ وجاسم لاحظ عليه:وش فيك سلطان:صدق قلة أدب جاسم:وش صاير وآنا اخوك سلطان قال له كل شي جاسم:ههههههههههههههههه سلطان:هالبنت عليها طولت ل**ن تقول منشار وعندها رد لكل شي وقلة حياء عجيبه جاسم اللي دموعه طلعت:ههههههههههههههههه سلطان:خير وش عندك تضحك جاسم:انت طرزان ههههههههه تخيل بس ههههههههه سلطان:أقول اسكت تراني ما نيب رايق لك جاسم:ههههههههههه طالعه سلطان بقهر وبدا يستعد للإقلاع &&&&&&&&&&&&&&&&&&& كان الكل حاضر إلا هم الاثنين متغيبين لأنهم تأخروا بأشغالهم دخلت من الباب اللي بين بيتهم وبين بيت جدها وهي توها بتدخل تقابلت وياه عند الباب جاء من شغله ووقف سيارته اليوم تأخر بالشغل وهو يعرف جده ما يحب احد يتأخر وصل عند الباب وشافها توها بتدخل تلاقت عيونهم شافته يطالعها بسخريه واحتقار ولف عيونه عنها ودخل آلاء:وش فيه هذا يطالعني كذا الحمد لله والشكر والله شكله من كثر ما يشوف مجرمين ما عاد يفرق بين أهله وبينهم عاد انا وش علي منه دخلت البيت تلحق على الجمعه &&&&&&&&&&&&&&&&&&&&& بصوت عالي في الصاله الكبيره:هذي أختي بانه الكل يطالعها وهي تنقل نظرات عيونها العسليه بين الكل وتركزت نظراتها على الرجال الكبير اللي قاعد بينهم في الوسط الجد يطالعها وهي تواجهه بنظراتها وما نزلت عيونها انقطع ال**ت على صوت صالح:بتظلين واقفه ما تعرفين ان الأصول تقول المفروض تجين وتبوسينا على روسنا ولا ما تربيتي عليها دانه التفتت لأختها وبدا الخوف يدب فيها لأنها تعرف ان أختها ل**نها طويل وما تقدر احد بانه بلهجة سخريه:أول خلني اعرف أهلي وبعدها أشوف اسلم ولا لا صالح وقف وكأنه ما صدق انها تكلمت علشان يبرد حرت رفض أمها له:والله هذي من قلة التربيه بانه:أكيد انت عمي صالح والله مثل ما وصفوك وما ألوم أمي يوم انها ما وافقت عليك صالح فار دمه وزوجته بين عليها الضيق أما صافي فكان مرسوم على وجهه شبه ابتسامه وفي نفسه:والله وطلعت هالبنت ع** التوقعات وطلعت ع** دانه وأخيرا جاء احد يبرد الخاطر صالح:أنتي يبغالك تربيه من أول وجديد وآنا اللي بربيك بانه وهي تكتف يديها وتطالعه باستخفاف:باي صفه لا تقول عمي لاني من جد بضحك صالح كان بيرد لان بانه قهرته بس صوت الجده سكته بعد ما شافت نظرات الرجاء في عيون دانه انها تتصرف:صالح وبعدين خلصنا البنت ضيفه عندنا صالح:ما تشوفين وش تقول كيف تبغيني اسكت هذا بدال ما تعلمونها الأدب بانه باستهزاء:الحمد لله والشكر يعني لازم انزل عيوني وما أدافع عن نفسي علشان اطلع مودبه وصلها صوت من وراء:لا وأنتي الصادقه يبغى لك قص ل**ن ولا ينشال من عرقه علشان تعرفين وشلون تكلمين تاج راسك بانه التفتت عليه بغرور وهي تطالع يوسف من فوق لتحت:انا بانه و مافي احد يوصل لراسي ابد يوسف:أنتي... قاطعهم الجد:خلاص ما عاد لي اعتبار ولا وشو الكل سكت ويوسف راح له وباس رأسه:السموحه اعتبارك فوق روسنا...والتفت يطالع بانه اللي تطالعه بعدم اهتمام دخلت آلاء وسلمت وجلست وهي تحس ان الجو مكهرب الجد بعد لحظات:نفس النظره ونفس الغرور ونفس العناد و الوقفه بانه:افتخر إني أشبهه الجد: طالعه عليه بانه:في احد ما يتشرف انه يشبه ابوه الجد: كنت متأكد انك راح تكونين مثله بانه:علشان كذا خليتني بعيد عن أختي دانه وهي تقرب وتهمس:بانه تكفين خلاص علشان خاطري بانه طالعت أختها وما ردت الجد:الماضي راح وإحنا في اليوم وأنتي وحده منا بانه طالعت عيونه وتأكدت انه يكذب بس مشتها وما علقت علشان أختها وهي في بالها أشياء كثيره الجد:هذا عمك صالح ...........وبدا يعرفها على الكل بعد فتره الجده:يله يا بنات قوموا نروح الصاله الثانيه نأخذ راحتنا قاموا وقامت معاهم بانه ودانه ماسكه يدها وكأنها مو مصدقه ان أختها معاها جلسوا بالصاله الثانيه وعلطول انطلق ل**ن مدى:والله وطلعت خطير يا جميل بانه تطالعها وفيها الضحكه:من أنتي مدى:انا مدى بنت عمتك نجود بانه:اها رواء بهمس لرؤيه:والله تخوف هالبنت شفتيها وش كثر قويه رؤيه ترد بهمس:ايه والله انا الصراحه توقعت وحده تشبه دانه طيبه مو العكس روابي:وش عندكم تتساسرون رواء و رؤيه: ولا شي لولوه لهبه:تتوقعين بيصير اكشن الأيام الجايه هبه:انا متأكده بتصير مشاكل دام هذي هنا لولوه:بس دانه مسكينه شوفيها وش كثر فرحانه فيها هبه:ايه والله ت**ر الخاطر وكأنها ما صدقت انها جات ظلت تطالع أختها وش كثر متغيره من أخر مره شافتها كانت متوقعه مشاكل بس ما توقعت ان أختها تكلم اللي اكبر منها كذا لاحظت انها تطالعه وسرحانه والتفتت عليها:دانه وش فيك تطالعيني كذا دانه برجاء:بانه تكفين ما ابغى مشاكل ابغى الكل يحبك هنا مثل ما انا احبك بانه بابتسامه:من عيوني دانه وهي ترد الابتسامه:تسلم لي عيونك &&&&&&&&&&&&&&&&&&& لهنا أوقف واترك لكم حرية التعليق &&&&&&&&&&&&&&&& توأم لكن انا غير ومالي مثيل وراسي ع**ده &&&&&&&&&&&&& ودي لكم قلب أمي وروحها &&&&&&&&&&&&& البارت الرابع &&&&&&&&&&&&&&& نروح للجو وفوق الغيوم والسماء في الطياره جالسه في كرسيها ومعاها كيس و تستفرغ وتحس بان بطنها يعورها البنت:حسبي الله عليك ياللي تسوق الطياره يا نحيس آه آه آه آه آه آه يا بطني يا جدتي آه يا عمي ياربي صرت أخربط ضغطت الزر لاستدعاء المضيفه وجات:نعم كيف استطيع مساعدتك (طبعا بالانجليزي) البنت:اووووف وش تقول ذي ابغى حبوب رأس المضيفه وهي ما فهمت:نعم البنت:يا دلخه اقولك حبوب رأس يا ربي وش هالبلشه ما تفهم المضيفه:لم افهم البنت صارت تتلفت يمكن تشوف وجه احد خليجي أو من العرب وانتبهت على اللي وراها:الاخو خليجي الشاب اللي وراها دلوع طبعا ورقيق:نعم أمريني البنت:قل لها ابغى حبوب رأس الشاب الخليجي:من عيوني...وبدا يقول للمضيفه البنت بهمس:جعل عيونك البط ...وصارت تطالع شكله كان الشعر سبايكي والبلوزه ورديه ومبين عليه انه ناعم البنت:استغفر الله الشاب:تأمرين شي ثاني يا عيوني البنت:ما اخبر فوزيه الدريع عندنا هنا الشاب:نعم وش قلتي البنت:أقول اللي يعين أمك على اللي جات به الشاب ما فهم بس بلقافه :عفوا أختي الاسم البنت عصبت بروحها مصدعه والحاله زفت وحطت حرتها فيه:ليه الأخ بيخطبني وآنا ما ادري الشاب استغرب من عربجتها:لا بس نتعرف البنت:تعرفت عليك الجنانوه و السكون ما باقي إلا هذي انا أتعرف على مايع الشاب:احترمي نفسك البنت:انا سجيه بنت عليان تقولي احترمي نفسك والله هزلت الفير أند لفلي يعلمني الاحترام جات المضيفه ومعاها الماء والبندول وخذتهم سجيه وعطت الشاب نظره وتعدلت في جلستها وهي تتحلطم عليه &&&&&&&&&&&&&&&&& بعد ما طلعوا الحريم والبنات من الصاله استأذنوا الشباب وطلعوا الحديقه وأول ما جلسوا يزن بحماس:شفتوها ههههههههه والله مب هينه مازن:ايه والله احنا ظنيناها مثل دانه ما لها صوت يوسف:إلا هذي يبغى لها تكفيخ بس طراقين و تتعدل مقعد:ليه وش مسويه البنت يوسف بعصبيه:ما شفت كيف تكلم عمي صالح وأبوي (يقصد الجد) تكلمهم كأنهم اصغر عيالها لافي:يا أخي يعني وش تبغى منها لا تنسى انها عاشت عيشه غير عيشتنا يعني سلومها غير سلومنا يوسف:ولو المفروض قدام الكبير تنطم وتنزل عيونها في الأرض مقعد:يا أخي لا تحر عمرك ما له داعي هالكلام وبعدين احنا مالنا دخل جدي يعرف يتفاهم معاها وأنت سمعته لما قال بنبدا صفحه جديده معاذ:هو صادق البنت مع جدها يتصافون احنا وش لنا بعوار الرأس الكل كان يتكلم ويناقش إلا هو كان يطالع الكل وهو ساكت لأنه تعود على انه ما يدخل نفسه في أمورهم من هو أكيد نادر ما كان له أي صوت كان مجرد متفرج &&&&&&&&&&&&&& بعد ما جلسوا فتره مع الكل دانه وقفت:يله عن أذنكم بطلع انا و بانه فوق نرتاح و نسولف شوي لحالنا مدى:اييييييه من لقى أحبابه نسى أصحابه أسير:و عطاهم اكبر طاف بعد دانه بابتسامه:هذا أنتي قلتيها ...ومشت وهي ماسكه يد بانه وقبل ما يصعدون الدرج صادفوا يوسف اللي كان ناوي يصعد فوق يغير ملابس الشغل اللي لحد الحين ما غيرها وطبعا مثل ما قلت لكم من قبل يوسف عايش ببيت الجد بس هو وإخوانه وأمه دور لحالهم طالعته بانه باستخفاف من فوق لتحت بشكل سريع وصعدت مع أختها أما يوسف كان النيران شابه عنده ويشتم ويسب &&&&&&&&&&&&&& نطلع من بيت الجد ونروح لبيت كبير ما يسكنه إلا ثلاثه قاعد وراء مكتبه ويشتغل وسمع طق الباب يامن:تفضل دخلت بنته وهي مبين عليها الزعل يامن:وش حبيبة أبوها زعلانه سوسن:وش فيني في غيرها ذيك المعلمه الملعونه مكرهتني في الدراسه يامن:قصدك معلمة الرياضيات سوسن بكذب:يبه أصلا انا ما سويت لها شي هي وحده تتسبب على الكل يامن:لا تقولين ما سويتي لها شي لاني أبوك وأعرفك سوسن تورطت لان أبوها يعرفها عدل:بس انا رديت عليها لما هي غلطت علي يامن:وبعدين مع هالمعلمه القلق خلاص انا أشوف وش اقدر أسوي وأتصرف سوسن:يبه خلها تدخلني الحصه ولا ترى كذا برسب يامن في نفسه:يعني اللي يسمعك يقول مقطعه الكتب وبابتسامه:خلاص يا عيون أبوك انا أتصرف مع معلمتك هذي سوسن بابتسامه باست أبوها :تصبح على خير يامن:وأنتي من أهل الخير طلعت من المكتب مبسوطه وفي نفسها متوعده للاستاذه هبه انها طلع عيونها بعد ثلاث ساعات خلص شغل وطلع من المكتب وصعد الدرج وراح على غرفة بنته يتطمن عليها انها نامت قبل ما يروح ينام وبعد ما تطمن عليها راح لغرفة ولده ثامر وبعد ما تطمن عليه راح لغرفته وهو يفكر في معلمة الرياضيات وكيف يتصرف معاها دخل غرفته وخذا له شور وانسدح على سريره وتذكر زوجته وتذكر يوم راح لها المستشفى دخل غرفتها ويطالعها بق*ف:يقولون تعبانه هذاني اشوفك مثل الحصان ما فيك شي ليلى:يامن يامن:لا تنطقين اسمي على ل**نك واخلصي ليش طالبه تشوفيني مو طلقتك وخلصنا ليلى:يامن والله... يامن:لا تحلفي وتقولين ما تعرفينه صورك يا الفاسقه جايه لمكتبي وقرب ومسكها من يدها وهو راص على أسنانه:احمدي ربك ما ذ*حتك واسمعيني زين لو اشوفك متصله على عيالي أو اسمع بس انك متواصله معاهم والله لأقطع خبرك فاهمه يا حيوانه ليلى:إلا عيالي... قاطعها يامن:أنتي وحده مو كفوا تكونين أم ويا ويلك لو اتصلتي مره ثانيه وطلع وخلاها في نوبة البكاء والندم لأنها فرطت في بيتها وعيالها علشان شوية كلمات حب انقالت لها في وقت بعد فيها عنها زوجها بسبب أشغاله رجع للحاضر وهو يحس بضيق :الله يأخذك كرهتيني في كل شي وغمض عيونه ويحاول ينام (أعرفكم بيامن:رجل معروف وعنده واسطات مطلق زوجته اللي خانته ومن بعدها كره الحريم وصارت نفسيته لا تطاق ويدلع عياله ويحاول ما يخلي احد يضايقهم علشان يعوضهم عن امهم عياله سوسن:تدرس في مدرسة هبه وهي بثاني متوسط بنت ما تحترم احد وتشوف الناس من طرف عين وشايفه نفسها ثاني عياله ثامر ولد عمره سنتين ) &&&&&&&&&&&&&&&& في مطار ألمانيا نزلت من الطياره وهي تتحلطم وهي تمشي ض*بت فيه رفعت راسها تعدل النظارات جاسم:sorry سجيه:سوري في عينك ول عليك جدار مو بني ادم جاسم:الأخت عربيه سجيه:لا فلسطينيه جاسم:خلاص قلنا آسفين التفت للصوت اللي يقرب منه:وين رحت وطالع البنت اللي تكلم جاسم سلطان:أنتي سجيه:لا خيالها سلطان:استغفر الله ياربي سجيه:ليه شايف دراكولا قدامك جاسم توه يفهم:لا يكون طرزان ههههه ههههههههه سلطان تركهم ومشى والبنت طالعت جاسم اللي يضحك وتحمدت لربها وتركته يضحك وهو يحاول يلحق سلطان طلع من البوابه ووقف تا**ي وجاسم جاه:هذي هي سلطان:ايه هذي هي مو ل**نها طويل جاسم:ما شاء الله مجهزه الاسلحه على طول تطلقها سلطان :أقول لك ل**ن منشار اللهم يا كافي جاسم:ههههههههه سلطان طالعه وتركه وركب التا**ي وجاسم ركب معاه ومشوا للفندق &&&&&&&&&&&&&&& في البيت الكبير جالسه تتف*ج على غرفة أختها دانه:ها وش رايك بانه:حلوه غرفتك هاديه مثلك دانه:ههههههه فديتك والله يا أختي جات بانه وجلست مقا**ه أختها دانه:ليه صبغتي شعرك بانه:مليت من الأسود دانه:انا ما أفكر أغير لونه ابد بس تدرين الأشقر والبني حلو عليك بانه بغرور:أصلا انا كل شي فيني حلو دانه:هههه ما نقدر على المغرورين بانه:تذكرين أيام قبل لما كنا مع بعض دانه بحزن:ايه اذكر بانه:قبل ما يتوفى أبوي ويفرقنا بابا نويل(تقصد الجد) دانه:بانه والله ما ارضى عليه محد رباني غيره بانه:أنتي ما ادري وشلون عقليتك تحبينه وهو اللي فرق بينا ولا نسيتي يوم كان عمرنا 7 سنوات ومات أبونا وجاء وكان بياخذنا احنا الثنتين من أمنا بس بعد ما هدته أمي انها بتعلم عليه انه متزوج على جدتك قرر انه يخلي وحده منا ويأخذ الثانيه وراح يخلي أمي تتزوج بدون ما يتدخل في حياتها ولا نسيتي دانه سكتت ورجعت بذاكرتها لما كان عمرهم 7 سنوات بعد وفاة أبوهم وبعد ما طلعت امهم أيه من العده جاء الجد البيت الجد وهو جالس في المجلس ومعاه صالح وصافي وأيه كانت متغطيه الجد:انا جيت اخذ البنات وأربيهم في المكان اللي المفروض يتربون فيه أيه وقفت بعصبيه:هذول بناتي انا وما راح اسمح لأي احد يأخذهم الجد:عطيني البنات بطيب لاستخدم معاك أسلوب ما تحبينه أيه:انت تهددني الجد:ما قدامك إلا خيارين يا انك تعطيني البنات أو انك تتزوجين ولدي وبناتك يتربون وسط حضنك أيه طلعت عيونها كيف يفكرون يزوجونها ولدهم وهي توها طالعه من العده صدق ناس ما ترحم ايه:ممكن نقعد على انفراد الجد:في شي قوليه ما له داعي الانفراد

Free reading for new users

Scan code to download app

App Store Google Play

Facebookexpand_more