Lunod na lunod na si Althea sa kaiisip kung saan siya kukuha ng perang kakailanganin para sa operasyon ng kaniyang anak. Gustuhin man niyang sundin ang sinabi ni Georgina kanina, hindi naman niya alam kung saang sulok ng mundo niya hahanapin si Chino. Ayaw naman niyang hingiin ang tulong ng mga kaibigan ng dating kasintahan dahil nahihiya siya sa mga ito.
‘Lord, send help please!’ tahimik niyang hiling.
Nasa ganoon siyang pag-iisip nang may marinig siyang mga yabag na papalapit sa kaniya. Mabilis pa niyang pinahid ang mga luhang nag-uumpisa na namang mamuo sa kaniyang mga mata. Baka kasi si Georgina iyon at makita na naman siya nitong lumuluha.
“Sis-mars!” Narinig niyang tawag ni Georgina sa kaniya. Huminga muna siya nang malalim saka nakangiting lumingon sa kaibigan.
Bigla ring napa
