Agad na naisugod nina Althea ang kaniyang anak sa ospital, kung saan regular itong tinitingnan ng mga doktor. Mabilis na inilapag ni Georgina ang kaniyang anak sa stretcher na nakaantabay na sa bungad ng hospital entrance. Bago kasi sila magtungo roon ay nakatawag na ang kaibigan sa doktor ng anak niya upang ipaalam ang nangyari.
“Anak, huwag kang bibitiw ha? Nandito lang si Mommy,” kausap ni Althea sa walang malay niyang anak, habang halos patakbong sumasabay sa paggulong ng stretcher.
“Ma’am hanggang dito na lang po kayo puwede,” sabi ng isa sa mga nurses na nagtutulak ng stretcher.
Agad naman siyang hinawakan ni Georgina sa kaniyang magkabilang braso upang pigilan sa pagsunod sa mga ito. Walang tigil ang pagbuhos ng kaniyang mga luha sa kaniyang mga mata habang inaalo siya ng kaib
