Nakahalukipkip ang isang kamay ni Althea, habang ngat-ngat niya ang kaniyang hinlalaki. Nagpapabalik-balik siya ng paglalakad sa loob ng kaniyang kuwarto, habang iniisip ang nangyari kanina. Dahil sa hindi naman niya inaasahan ang itinanong ni Chino sa kaniya kanina, nataranta tuloy siya at iba ang naisagot niya sa binata. Ngayon tuloy ay hindi siya matahimik at nagsisisi sa kaniyang ginawang kapalpakan kay Chino.
“Ang tanga-tanga mo Althea! Ano bang sumapi sa iyo at iyon ang naisagot mo sa kaniya kanina?” sermon siya sa sarili. “Tapos may pag-sorry ka pang nalalaman. Ano ‘yon? Tanga!” inis na inis niyang sumbat sa sarili.
Paano niya ngayon sasabihin kay Chino na pumapayag na siyang magpaligaw rito? Alangan namang sabihin niyang; ‘Ah Chino, nag-jo-joke lang ako kanina. Puwede mo akong li
