Chapter 31
Bahagyang nahihilo nang si Rex ay magising. Saglit niyang nakalimutan ang mga nangyari, ngunit nang makitang nakatali si Dean sa kama habang nakasulyap sa kanya ay napamulagat siya.
"What happen?" tanong niya kay Dean na patuloy lamang sa pagtitig sa kanya. Mukhang may nais ipahiwatig. Natigilan siya at dahan-dahang napasulyap sa kabilang bahagi nito.
Kunot ang noong napatitig siya sa babae na mahimbing na natutulog sa tabi ni Dean. At nang makilala ito, nagtatanong ang mga matang tumingin siya kay Dean. Akmang tatayo siya mula sa pagkakasalampak nang maramdaman ang mga taling nakagapos sa mga kamay. Ngayon niya lang ito napansin.
Hindi naman makapagsalita si Dean dahil sa bibig na may takip. Matapos siyang halayin ng babaeng katabi ay nilagyan ulit ng takip ang bibig niya
