Kabanata 29
Lahat kami ngayon ay nakatingin lang sa biglang dumating na si Nhya.
Walang gustong magsalita ni isa sa amin.
Unti-unti siyang lumapit sa aming pwesto na kaagad nagdulot ng kakaibang kaba sa aking sistema.
Sa aking harapan mismo siya tumigil kaya hindi ko alam kung ano ang aking gagawin, aatras ba o kakausapin siya para magpaliwanag.
Inilibot niya ang kanyang paningin sa paligid at pagkatapos ay isa-isa niya kaming tinitigan na may hindi kapani-paniwalang expression at pandidiri.
"2nd Anniversary, huh?" May pang-uuyam na wika ni Nhya na diretso ang tingin sa akin. "Kaya pala! Kaya pala madalas na kapag may lakad kayo ay hindi niyo ako isinasama! May ganito na palang nangyayari at kinonsente lang kayo nitong mga 'to?!" Saad niya sabay turo sa gawi nina Nikki.
"Ang gagalin
