Araw ng pagbalik nila ni Sam sa Maynila. Hindi na siya hinayaan ng binata na humiwalay pa kaya isinabay na siya nito sa private plane na pag-aari nito.
"Alam mo dati, pangarap kong maging pilot," pagkukuwento ni Sam.
Nakasandandal noon si Kimberly sa dibdib ng binata at nakayapos naman ito sa kaniya habang pinagmamasdan nila ang kalawakan sa baba.
Simula nang magkalapit sila ni Sam sa Boracay at sabihing gusto siya nito ay biglang naging makulay ang mundo ni Kimberly. Ang mundo na noo'y nakikita lang niya bilang pansamantalang tahanan sa loob ng dalawampu't pitong taon. Ang mundong nagparamdam sa kaniya na walang forever.
"Ikaw, Kim. Ano ang pangarap mo n'ong bata ka pa?" pukaw sa kaniya ni Sam.
Ngumiti ang dalaga. "Pangarap ko noon na makakita ng falling star. O makapanood man lang
