Pagsara ng pintuan ng emergency room, bumalot agad ang katahimikan sa pagitan nila ni Thunder. Nasa loob na ang dalawang pasyente na binigyan nila ng agarang paunang lunas sa kalsada. Napabuga ng hangin si Keonna sobrang lalim bago siya sumandal sa malamig na pader ng hospital. Ang mga puting tiles ay kumikislap sa ilalim ng puting ilaw ng ospital. Basa pa rin ang buhok niya, tumutulo ang damit niya sa sahig sila ni Thunder, at may bahid pa ng dugo sa manggas ng uniform niyang suot.
Si Thunder,na ilang hakbang lang ang layo sa kan, basang-basa rin. Ang suot nitong shirt ay dikit na dikit sa katawan nitong maganda at sa bawat paghinga nito'y nakikita ni Keonna na mas gusto talaga niya ang datingan ni Thunder kay Storm, agad na ipinilig ni Keonna ang imaheng pumapasok sa isip niya. Ang gabi
