Tila may bombang sumabog sa mukha ni Jasmin dahil sa narinig. Parang nahihirapan siyang kumbinsihin ang sarili na totoo ang naririnig. Ang babaeng ito at si Miguel ay nakatakda nang ikasal?
Ang kaninang pait na nadarama ni Jasmin ay parang dumoble. Napako na yata ang pwet niya sa kinauupuan dahil hindi niya magawang makatayo.
"Bongga! I'm so happy for you Ms.Mariel. Sobrang hot ni Mr. Santibañez at sobrang bagay niyo kaya hindi na ako magtataka na kayo ang para sa isa't-isa." dagdag pa ng bakla na nangingislap ang mata..Si Mariel naman ay tila hindi malaman kung ngingiti. Parang kasing may kung ano sa mga mata nito na hindi niya matukoy.
"Thank you." sagot nito sa bakla.
Mabuti nalang ay nakabawi na siya sa pagkabigla kaya mabilis siyang tumayo at nagpunta sa counter. Kinuha niya an
