AFTER ME
ROSE
Makalipas ang ilan pang oras ay nakarating na rin sa wakas ang mga magulang ni Chace sa ospital. Pagkarating nila ay agad na dumiretso si Tita Carol sa higaan ni Chace at hinalikan ito ng paulit- ulit sa pisngi. Panay naman ang iwas ni Chace habang natatawang bahagya.
Bakas sa mukha ni Tita ang matinding pag- aalala pero naroon din ang relief dahil nakita niya ng personal na maayos na ang lagay ng kanyang anak kahit na may mga natamo itong pinsala. Hindi ko mapigilang mapangiti habang pinapanuod ang tagpong iyon. Kitang- kita ko ang pagmamahal niya kay Chace. Bigla ko tuloy naalala ang aking ina. Siguro kung nalaman niya ang nangyari ngayon ay ganito rin ang pag- aalala niya. But of course I couldn't tell her, worrying is useless lalo na kung ilang libong milya na
