فتاتي الصغيرة

الفصل الثاني

فتح اعينه الجوزية و المكحلة برموشة الطويلة و السميكة نظر بأنزعاح غاضب للمنبة اغلقة فيقف و هو يحك فروة رأسه من الجانب واضع اناملة ب*عرة السميك و فاحم السواد ، الحريري اخفض اناملة للحيتة الخفيفة و المثالية تماماً على فكة المثالي و المثير كما يملك انف حاد مثالي مع شفاة مثالية متوسطة الحجم و حاجبين كثيفين مثاليان و جبه مثالية كذلك مثيرة كان مظهرة يجعل قلوب النساء ترتجف و تقع في حبة تماماً ، ذهب ليستحم و خرج و هو ينشف شعرة فيسير و المنشفة حول خصرة في غرفتة الكبيرة للغاية و الراقية و جميلة أيضاً ليخرج ثيابة بملل مرتدي قميص ابيض و بنطال جينز مع سترة كحلية كان مظهرة خاطف للانفاس بسبب جسده الذي مهما ارتدى علية يكون خاطف للانفاس سرح شعرة بملل و برود و ارتدى ساعته و وضع اخر اللمسات من العطر الرجولي المثير ليخرج من الغرفة و هو يمسك بهاتفة ينظر له بملل حتى اصطدمت فجأة فتاة به كانت تركض فنظر بغضب كبير نحوها و حاجبين معقودين بغضب متحدث بخشونة عمية ما تشوفين انتي هاااا

نظرت بأرتباك له و هي أيضاً جميلة حقاً ياسر حباب كول الوردة تعوفني

لتأتي فتاة اخرى أيضاً تبدوا مطابقة لها تماماً عدى امتلاكها لشامة اسفل عينها اليمنى حنين حيوانة الحين ترجعين الي الشال مالتي اريد البسه ولج اتأخرت و منسقة الملابس عليه

نظر ياسر بغضب كبير للغاية و يدفع حنين مبعدها عنه متحدث بغضب كبير و عيون مظلمة استغفر الله لا تعصبيني انتي وياها من الصبح ملابسجن الواحد يكدر يفتح مول بيهن و انتن لسه تتعاركن على الملابس و انتي حنين رجعيلها النعال مالتها

نظرت حنين بانزعاج خوية والله هذا مالتي مو مالتها هي مضيعة مالتها و تريد تاخذ مالتي

صرخت وردة بغضب جذابة هذا مالتي

ليصرخ ياسر بغضب كبير و هو يدفع الاثنتان بغضب مبعدهما للجانب حتى ان الاثنتان تأوتى بألم بسبب قوة الدفعة يما ما تجين البناتج ذني هاااا من الصبح الواحد يكعد على عركهن و الله اذا ضلن كدا اشبعهن كتل وخريهن عني لا ارتكب جريمة بيهن الحين

**تت الاثنتان بخوف بينما ياسر نزل الى الاسفل و هو يسير في منزل اسفة اخطأت بحقة انه قصر و ليس منزل كان لايزال غاضب و منزعج لتسرع والدتة نحوه مع ابتسامة عريضة يمة مالك علاقة بيهن خلي يولن لماذا تهتم الهن . دتعال اتريك قبل لا تروح للشغل

ليتن*د بانزعاج و هو يسير نحو طاولة الطعام متحدث اني ما كاع افهم والله شكد ما احاول كل هاي الملابس عدهن و غيرها و يضلن يتعاركن فوكاها يجن علية اني تقول هاي الناقصة والله الا شوية ردت اض*بهن شلون اني اليوم قاعد عصبي و هذني طلعن كدامي

اجابت امه بقلق خير يما شبيك عصبي من الصبح

ليتن*د بانزعاج لا مو بالشي المهم بس واحد من البمات صار بي عطل و رايد كم دفتر عنمود يصلح مشكلتي اخاف تتأخر مواعيد الصبات و انتي تدرين بية ما احب اطي كلمة و ما اسويها و الكل عدة موعد محدد عندي

يما ليه قصتك الناس تعذرك يعني هو عطل قابل هي بأيدك من انته اتأخرت

ان شاء الله يخلص تصليحة بسرعة اذا انجبرت استأجر بام من غير شركة

( ياسر نصير الرماحي مهندس معماري و مدير لشركة الصب رقم واحد للعمارات و المشاريع في ميسان الاشرف و هو اصغر مدير لشركة صب و بدون شراكة و يملك جميع الأليات و العمال و صاحب مخططات للمشاريع المهمة أيضاً في المحافظة و كل هذا الانجاز و هو في ال 30 من عمره الابن الثالث لعائلتة يملك اخوان اكبر منه احدهما و هو الاكبر دكتور جراحي مشهور و الاخر محامي مشهور كذلك يملك أيضاً اختان توئم اصغر منه يدرسن في الصف السادس اعدادي كانت عائلة من العوائل المهمة في ميسان و المشهورة لكون كل من فيها وسيم للغاية و عبقري اضافة الى كونهم اغنياء للغاية ، توفي والد ياسر قبل ثلاث سنوات و اخواه الاكبر منه متزوجان و مستقلان أيضاً )

تحدثت والدتة و هو يتناول الطعام بهدوء اكلك يمة ترى صار عمرك 30 الحين جااي افكر اخطبلك مها خوش بنية حبابة و حليوة هم و هي بنت خالتك نعرفة و متربية ويانه احسن من الغريب

اكمل تناول طعامة بدون اهتمام افكر بالموضوع

لتنظر والدتة بسعادة كبيرة للغاية اي يما فكر ما تلكه احسن منها و اني لمحت لامها لهذا الشي و موافقين عن قريب اخطبها الك

لم يهتم لما قالت اخر اهتماماته هو النساء كل تفكيرة هو العمل و العمل لا يهتم لمن سوف يتزوج حقاً ، بعد تناول الفطور ذهب لأخذ مسدسة المرخص و وضعة في خصرة ليخرج بعدها و ألقى التحية على حارس المنزل اسامة و ذهب ليقود سيارتة اخر اصدار من الرانج روفر و قاد نحو شركتة ليلقي التحية فيذهب لمكتبة الفخم مباشرة يقوم بعملة لليوم

بعد انتهاء اليوم الدراسي و المحاضرات كانت قمر تسير في الممر و هي تمسك الهاتف لا تتوقف عن تصفح مواقع التواصل و لانها لا تريد النظر لمن حولها أيضاً فكلما نظرت لمكان ترى الجميع ينظر حولها لذا الامر اسهل بالسير و النظر للهاتف لمحت ماهر من بعيد فتجاهلت الامر تماماً و لم تبعد نظرها أبداً عن الهاتف حتى توترت تسير نحوه و هو لا يبتعد او يسير فقط وقف مكانه حتى اصبحت قريبة للغاية تكاد تصددم به فنظرت له بصدمة و قلبها ينبض بذعر ثم ابتعدت بسرعة و خطت مسرعة بعيداً عنه و هو يبتسم بسعادة فكرت قمر بذعر و قلبها يخفق " هذا الحيوان شبي ضل واكف كدا و ما وخر ابد . خاف هذا متابع افلام رومانسية هواي و جان منتظر انض*ب بي الحيوان وكف گلبي لا يحجي و لا وخر اني غ*ية لماذا سويت نفسي ما شايفتة جان ما صار هذا الموقف و فوكاها عاندت و كلت سوي نفسك ما شايفة و كملي مشي لحد ما ردت صدك انض*ب بي و هو ما وخر. اااااه لماذا اخترعت كدا ما افهم شكد ما بيه حظ اخترع دائماً من اي شخص معجب بيه "

اسرعت نحو الطاولة جالسة مع هنا و منار و شرحت لهن ما حدث لتضحك الاثنتان بقوة و منار تقول هذا صدك متأثر بالافلام الرومانسية شفتج اني شلون افتريتي بأخر خطوة و صرتي بصفة تماماً بدل ما تنض*بين بي متت من الضحك على تعابير وجهج

تن*دت قمر و هي تسند وجنتها بقبضة يدها لا ضحكين الموضوع يخوف فوكاها مراقبني 24 ساعة صدك صاير يخوفني كلش

تحدثت هنا امداني خفتي بس لانه كدا شو هاي البنات هنه يزحفن للولد و انتي خايفة لان معجب يراقبج

اجابت قمر بغضب اي مو فهمنه معجب بس صالي اشهر اجاهله اشكد لزكة و ما عده كرامه ابد

تحدثت منار مقاطعتهن ولجن سكتن مها و صديقاتها جايات اتجاهنه جوز تريد تتباها كدام قمر

لتقول مها و هي تقف امامهن هلااااو شلونجن بنات

اجابن بهدوء زينين

لتجلس مها و صديقتاها غسق و نور فتكمل مها حديثها يااا قمر ما كتلج

قمر مع ابتسامة لطيفة اي سمعت كلتلي منار راح تنخطبين من ابن خالتج فرحتلج هواي تن شاء الله تكمل على خير

ضحكت مها بسعادة اي امه حجت ويه امي لمحت للموضوع خوش ولد و كلش حلو مربة و اخلاق و هماتين كلش زنكين و طاك . حتى معضل تقولين اجنبي يخبل كلش ما شايفة احلا منه

اجابت قمر بسعادة اي خوش قسمة ان شاء الله تكونون سعيدين يارب لا تنسين اتعزمينه فرحنالج بالأخص منار

لتخرج ضحكة من فم هنا و منار و بدأن يضحكن بقوة لتحاول قمر كبح ضحكتها بينما مها تنظر بأنزعاج لتقول مها بعدها اي و انتي لعد شوقت تزوجين سمعت ماهر لازك بيك ما تطي مجال اشوية

اجابت قمر بجدية لا حبيبتي ويني وين الزواج اني هو اني شكل مسؤلية. اضافة ازوج بعد الجامعة و بعد ما اكون مكونة نفسي و شغلي و شخصيتي . هماتين اني حلمي اسافر كل سنة دولة شكل لذا الزواج اخر اهتماماتي

لتبتسم مها بأستهزاء كل الي يكولن كدا هنه الي يزوجن بسرعة . اكلج احجي الحقيقة خاف ما جايتج قسمة بيها حظ و انتي صعبة كلش ما يعجبج العجب

نظرت قمر ببرود لها كانت نظرة موترة حقاً و اجابت بهدوء اي اني صعبة و ما يعجبني العجب بأختياري لشريك حياتي . اضافة اني ما مفكرة ازوج و اذا فكرت ازوج فهو شخص يكون الاحسن بكلشي و يحبني غير كدا اني ما مجبورة اعيش حياتي بأكملها ويه شخص ما يستحقني اضافة بخصوص مافي قسمة زينة اني انخطبت اكثر من 30 مرة حتى بعد ما احسب و امي ترفض من عدها و ما تكلي هم لان تعرف ما اريد ازوج وحده من القسم مالتي قاضي من بغداد شاب و كلش حلو حتى كال يشتري بيت الية هنا بميسان و يعيش هنا بس اوافق على الزواج لذا اني بالفعل مرت علية القسمة الزينة و اكثر بس اني حلمي اكبر من الزواج . لذا مها احترمي قرارات الغير بخصوص حياتهم و لا تتدخلين بيها اضافة حتى اذا صدك ما حصلت قسمة زينة لا تقوليها لان البنية تنجرح من كدا كلام مثل ما انتي ما تحبين تحصلين كلام مو حلو لا تقولين كلام مو حلو الغيرج

نظرت مها بغضب كبير بينما هنا و منار يحاولن كبح ضحكتهن من الخروج لتقول نور صديقة مها بأنزعاج على كيفج عيني بعد الواحد ما كدر يحجي وياج و كمتي ادوسين بالحجي ترى احنه صديقات و كاع نحجي عادي لماذا هلكد ضجتي و صرتي عصبية

لتضحك قمر شكاع تقولين ترى ما معصبة احنه صديقات كاع نسولف و كاع انصحها ما تحجي كدا وية الغير لان محد يسكت بعد اي مها شوقت تنخطبين حتى نفرح الج

اجابت مع ابتسامة عن قريب ان شاء الله و انتي لا ضلين كدا خاف اخرتج تبقين عانس

ابتسمت قمر ابتسامة عريضة ما عدي مشكلة اعيش عانس اني أساساً متونسة بحياتي

هو چنها اخرتج راح تبقين كدا . يله اكوم اني خطي راح يوصل

لتذهب مبتعده مع صديقتيها و تقول بغضب و هي عاقدة حاجبيها شف*ن اشكد حقيرة و شايفة نفسها يارب اشوفها عانس و محد بحالها من تكبر

اجابت الاخريات بغضب و انزعاج امين

بينما منار تقول بضحك ولجن شف*ن اشصار بوجها كفو والله طلعتي بيك حظ تعرفين شلون اطيحين حظ الواحد

اجابت قمر بعدم فهم لماذا اشسويت اني بس كاع نحجي عادي

لتض*ب منار جبهتها هاي غ*ية صدك طشرت جبة البنية و تقول اشسويت

اجابت قمر بتذمر هاي لماذا دائماً تقولن كدا ترى حجينة عادي ما ادري لماذا عصبن هلكد

ليرن هاتف قمر فتقف يله اجه السائق احجي وياجن بعدين

عادت بعدها للمنزل و هي طوال الطريق تضع السماعات و تستمع للأغاني الاجنبية حتى وصولها للمنزل لتفتح الباب بالمفتاح و تدخل صارخة يما وين انتي

اجابت والدتها هااا اجيتي

دخلت قمر بسعادة و هي تضع عبايتها في مكانها و تصعد لغرفتها قائلة اي اجيت متت تعب اليوم

لتقول والدتها صبي الروحج اكل و اكلي مو تبقين جوعانة

لم تجب بشيء و هي تغير ثيابها لتصلي و بعدها تغط بالنوم حتى السادسة مساءاً استيقظت بصراخ عندما فجأة جسد صغير قفز نحوها اااااه

لتنظر بأنزعاج انه اخيها الاصغر و اكثر شخص تحبة من بعد والدتها ليضحك بسعادة و هو يعانقها ههه قمر يله كعدي ابوية كام يصيح

لتعانقة بقوة متحدثة بنعاس مع ابتسامة اي كعدت

تحدث بعدها بدون توقف و هو في ال 7 من عمره كعدي يالة كعدي راح ترجعين اتنامين مرة ثانية دائماً اسوين كدا اذا ما كمتي راح اركعج بو** بحركة كونفو

لتضحك بقوة مافي شي اسمه بو**ي بحركة كونفو

ليقف على السرير و هو يقفز فوقة بدون توقف فتحي عيونج و باعي راح اسويها للحركة يله كعدي

لتجلس بأنزعاج بسبب انه يقفز على السرير بدون توقف لتمسك رأسها قائلة بأنزعاج راح اض*بك بحركة كونفو

ليصرخ و هو يهرب منها و قمر تركض خلفة تعال اليوم شيخلصك مني ههه اليوم اصيلك جاكي شان

حتى استمعت لصوت والدها من الاسفل هاي الجلبة الجبيرة كعدت لو لا حضرة جنابها مكضية اليوم كله نوم لا دراسة و لا شغل . حرام نربي كدا جهال ما بيهم حظ بس خسارة للفلوس خاصة هي بدل ما تنظف تطبخ هي كلشي على الجاهز

لتجيب والدتها يمعود عوف البنية خطية تعبانة اجت ب ٣ اليوم عدها محاضرات هواي و نامت خطية

انتي ضلي دافعي الها محد م**رها غيرج انتي عليمن مدخلها كلية اهلية ما ادري أصلاً فاشلة كدا بالكوه نريد نخلي براسها حظ

شعرت قمر بأختناق و هي تنظر نحوه و هي بالطابق الثاني تنظر من الاعلى بينما والدتها قالت اي ما تكلي انته هو منو يجيب معدل 96 الدراسة كلش صعبة و هي نجحت من السادس من اول سنه الحين قحط من ندفع ٣ ملاين بالسنه و نخلي براسها حظ

اجاب بغضب خليها تدرس هاي مو اني ادفع فلوس و ترسب لا تقرأ و لا شي كله نوم و مسلسلات مو هاي رهف تقرأ البنية طول اليوم و درجاتها كله بالتسعين هذاك اليوم تبجي لان ماخذه 96 و هاي قمر اذا جايبة 50 تجي فرحانه تقول مسوية انجاز

تن*دت الام اي هي مو نفس رهف هي الع** من رهف رهف تحفظ بسرعة قمر ما تحفظ تفهم بسرعة هي أساساً الاكل تنسة اسمه دائماً شلون ما تنسة المواد مالتها عمي كول الحمد لله و الشكر من نجحت كل السنوات هاي

اجاب بغضب اي شلون نجحت كله بالاهلي و ادفع يا باقر قمر راح ترسب بالاعدادية نوديها مدرسة اهلي قمر مو زينه بهاي المادة نوديها درس خصوصي فلوسي كلها خاسرها عليها و هي غير تحس و يصير عدها ضمير تقرأ عمي عوفوا القراية دروحوا كعدوها خلي نشوف وجها صار شهر ما شايفة مكضيه النهار كلة نوم و الليل كله سهر الله الي يعلم عليمن تسهر هذا الليل كله