NANG makitang umalis na ang sasakyan ng kaniyang boss ay saka lang pinatakbo ni Allain papasok ang kaniyang kotse sa gate ng mansyon ni Clinton Ferare, ang ama ni Serena. Hinarang naman siya ng dalawang security guard, pero nang makilala siya na tauhan ni Cyrus ay pinapasok na lang siya ng mga ito nang hindi na tinanong pa kung ano ang kailangan.
Pagkababa sa kaniyang kotse ay diretso siyang pumasok ng mansyon, at saktong pagpasok niya ay pababa pa lang ng stairs ang ama ni Serena gamit pa ang tungkod nito.
“Umalis na ang boss mo kung siya ang hanap mo,” wika nito sa kaniya nang makita siya pagkababa at akmang lalampasan na sana siya, pero agad niya itong hinarangan.
“Kayo talaga ang sadya ko kung bakit ako narito, sir.”
Napatingin na sa kaniya ang matanda at bahagya nang nangunot ang
