# الجامعة 6
708 Words
#ﺍﻟﺠﺎﻣﻌـــــــﻪ_6
ﺻﺎﺣﺒﻨﺎ ﺑﻘﺖ ﻋﻴﻨﻮ ﻛﺪﺍ ?
ﻭﺑﻘﻲ ﺍﻛﻠﻢ ﻧﻔﺴﻮ ( ﻳﺎ ﺭﺑﻲ ﺍﻧﺎ ﻓﻲ ﺣﻠﻢ ﻭﻻ ﻋﻠﻢ )
ﻭﺍﻟﺠﻤﺎﻋﻪ ﺧﻠﻮ ﻣﻨﺎﻗﺮﺗﻬﻢ ﻟﻲ ﺑﻌﺾ ﻭ ﺑﻘﻮﺍ ﻣﺘﺎﺑﻌﻴﻦ ﺻﺎﺣﺒﻨﺎ ﺍﻟﻤﻨﻄﻂ ﻋﻴﻮﻧﻮ ﺩﺍ
ﺻﺎﺑﺮ ﺑﻘﻲ ﺍﺩﻋﻚ ﻋﻴﻮﻧﻮ ﻭﺗﺎﻧﻲ ﺍﻋﻴﻦ ﻭﻇﻬﺮﺕ ﻋﻠﻲ ﻭﺷﻮ ﺍﺑﺘﺴﺎﻣﻪ ﻋﺮﻳﻀﻪ ? ( ﻣﻠﻴﺎﻧﻪ ﻓﺮﺡ ﻭﺳﻌﺎﺩﻩ )
ﻭﺍﺻﺤﺎﺑﻨﺎ ﻟﺴﻪ ﻣﺘﺎﺑﻌﻴﻦ ﺍﻟﻤﻮﻗﻒ ﺑﻲ ﺍﻟﺜﺎﻧﻴﻪ ﻭﺍﻟﻠﺤﻈﻪ ﻭﻣﺘﺤﻴﺮﻳﻦ ﻓﻲ ﺻﺎﺣﺒﻨﺎ ﺩﺍ ﻭﺑﺪﻭ ﺍﺭﻛﺰﻭ ﻣﻌﺎﻫﻮ ﻭﻫﻮ ﺑﻌﺎﻳﻦ ﻟﻲ ﺷﻨﻮ ﻭﻣﺒﺴﻮﻁ ﻛﺪﺍ
ﻓﻲ ﺍﻟﻠﺤﻈﻪ ﺩﻱ ﻛﺎﻧﺖ ﻓﻲ ﺑﺖ ﻭﻗﻔﺖ ﻭﻛﺎﻧﺖ ﺑﺘﻌﺮﻑ ﻋﻦ ﻧﻔﺴﻬﺎ
ﺍﻟﺒﺖ : ﺭﻭﺍﻥ ﻣﺨﺘﺎﺭ ، ﺷﻬﺎﺩﻩ ﻋﺮﺑﻴﻪ ( ﻗﻄﺮ ) ? ﺍﺗﺸﺮﻓﺖ ﺑﻲ ﻣﻌﺮﻓﺘﻜﻢ
ﻭﺻﺎﺟﺒﻨﺎ <= ( ﺻﺎﺑﺮ ) ﻣﺘﺪﻣﺞ ﻣﻊ ﺍﻟﺘﻌﺮﻳﻖ ﻭﺍﻻﺑﺘﺴﺎﻣﺔ ﻟﻲ ﺍﻟﻀﺮﺱ ﺍﻻﺧﻴﺮ ?
ﻫﻨﺎ ﺍﺻﺤﺎﺑﻨﺎ ﺍﻻﺗﻨﻴﻦ ﻓﻬﻤﻮ ﺍﻟﺤﺎﺻﻞ
ﻭﻃﻮﺍﻟﻲ ( ﻣﺤﻤﺪ ) ﻟﻜﺰ ( ﺑﺎﺳﻞ )
ﻭﻗﺎﻝ ﻟﻴﻪ ﺑﻲ ﺻﻮﺕ ﻋﺎﻟﻲ ﻋﺸﺎﻥ ﺻﺎﺑﺮ ﺍﺳﻤﻌﻮ : ( ﺍﻥ ﺍﻟﻌﻴﻮﻥ ? ﺍﻟﺘﻲ ﻓﻲ ﻃﺮﻓﻬﺎ ﺣﻮﺭﺍ ? ﻗﺘﻠﻨﻨﺎ ﺛﻢ ﻟﻢ ﻳﺤﻴﻴﻦ ﻣﻮﺗﺎﻧﺎ (? ( ﺑﺎﺳﻞ ) ﺑﻘﻲ ﺍﺿﺤﻚ ﻭﻗﺎﻝ ﻟﻲ ( ﻭﺍﻟﺴﻴﻒ ﻓﻲ ﻏﻤﺪﺗﻪ ? ﻻ ﺗﺨﺸﻲ ﺑﻮﺍﺗﺮﻩ ﻭﺳﻴﻒ ﻋﻴﻨﻴﻚ ﻳﺎ ( ﺭﻭﺍﻥ ) ﻓﻲ ﺍﻟﺤﺎﻟﺘﻴﻦ ﺑﺘﺎﺭ (?
ﻫﻨﺎ ( ﺻﺎﺑﺮ ) ﺍﺗﺘﺒﻪ ﻟﻴﻬﻢ ﻭﺑﻘﻲ ﻣﺎ ﻋﺎﺭﻑ ﺍﺳﻮﻱ ﺷﻨﻮ ﻭﻻ ﺍﻗﻮﻝ ﺷﻨﻮ ﻭﺍﻟﺨﺠﻞ ﻣﺎﻟﻲ ﻭﺷﻮ ?☺ ﻭﻋﻴﻮﻧﻮ ﻣﺎ ﻗﺼﺮﺕ ﻋﻦ ﺍﻟﺘﻐﺒﻴﺮ ﻛﺎﻧﺖ ﻛﺪﺍ ?
ﻭﺍﺻﺤﺎﺑﻨﺎ ﻣﺎ ﻗﺼﺮﻭ ﺑﻘﻮﺍ ﺍﺻﻔﺮﻭ ﻟﻴﻪ ﻭﺍﺣﺎﻛﻮ ﺣﺮﻛﺎﺗﻮ ﻫﻬﻬﻬﻬﻬﻪ ( ﺍﻧﺘﻮﺍ ﻭﺍﻟﻠﻪ ﻣﺴﺨﺮﻩ ﺧﻠﻮ ﺍﻟﺒﺮﻟﻮﻡ ﺍﻟﻌﺎﺷﻖ ﺩﺍ ﻓﻲ ﺣﺎﻟﻮ ﻫﻬﻬﻬﻬﻬﻪ )
ﻭﺗﻢ ﺍﻟﺘﻌﺎﺭﻑ ﻭﺍﻧﺘﻬﺖ ﺍﻟﻤﺤﺎﺿﺮﻩ ﻋﻠﻲ ﻛﺪﺍ
ﺑﺎﺳﻞ : ( ﻣﺤﻤﺪ ) ﺍﻫﺎ ﺍﻟﻔﻄﻮﺅ ﻭﻳﻦ ﻳﺎ ﺍﺻﻠﻲ
ﻣﺤﻤﺪ : ﺍﻟﻠﻴﻠﻪ ﻣﻌﺎﻧﺎ ﺿﻴﻒ ﻫﻮ ﺍﻻﺧﺘﺎﺭ ، ﺍﻫﺎ ﻳﺎ ( ﺻﺎﺑﺮ ) ﻧﻔﻄﺮ ﻭﻳﻦ ﻭﺷﻨﻮ
ﺻﺎﺑﺮ : ﻭﺍﻟﻠﻪ ﻣﺎ ﻋﺎﺭﻑ ﻳﺎ ( ﻣﺤﻤﺪ ) ﺍﻧﺖ ﻋﺎﺭﻑ ﺍﻟﺤﺎﻟﻪ ( ﺑﺮﻟﻮﻡ ﺟﺪﻳﺪ ﻭﺍﻟﺨﺒﺮﻩ ﺯﻳﺮﻭ )
ﺑﺎﺳﻞ : ﻳﺎ ﺻﺤﺒﻲ ﻗﻮﻝ ﺍﻧﺖ ﺩﺍﻳﺮ ﺷﻨﻮ ﻫﻨﺎ ﻓﻲ ﺍﻱ ﺷﺊ ( ﺳﻨﺪﻭﺗﺸﺎﺕ ، ﻓﻮﻝ ، ﻓﺘﻪ ) ﺍﻻﻧﺖ ﻋﺎﻭﺯﻭ ﻓﻲ ﺑﺲ ﺍﻧﺖ ﺍﻃﻠﺐ ﻳﺎ ﺟﻤﻴﻞ ?
ﻣﺤﻤﺪ : ﻫﻬﻬﻬﻬﻪ ﻭﺍﻟﻠﻪ ﻳﺎ ﺑﻴﺒﻮ ﻳﺎ ﺣﻠﻴﻞ ﺯﻣﻦ ﻣﺎ ﺑﺎﻛﻞ ﻓﺘﻪ ﺍﻧﺘﻮﺍ ﺑﺘﺎﻛﻠﻮﻫﺎ ﻛﻴﻒ ?
( ﻃﺒﻌﺎ ﻋﺸﺎﻥ ﺑﺎﺳﻞ ﺷﻬﺎﺩﻩ ﻋﺮﺑﻴﻪ ﻗﺎﻝ ﻛﺪﺍ )
ﺑﺎﺳﻞ : ﻋﻠﻴﻚ ﺍﻟﻠﻪ ﺯﺡ ﻣﻨﻲ ﺍﻟﺰﻭﻝ ﺩﺍ ﻳﺎ ( ﺻﺎﺑﺮ ) ﻋﺸﺎﻥ ﻣﺎ ﺍﻋﻮﻗﻮ ﻟﻴﻚ ﻫﺴﻲ
( ﻃﺒﻌﺎ ﺑﺎﺳﻞ ﺯﻱ ﻣﺎ ﺑﻘﻮﻟﻮﺍ ﻋﺮﻳﺾ ﺍﻟﻤﻨﻜﺒﻴﻦ ?ﻳﻌﻨﻲ ﻋﺮﻳﺾ ﻭﻣﻊ ﺭﻓﻊ ﺍﻟﺤﺪﻳﺪ ﻭﺍﻟﺠﻢ ﺍﻟﻤﻮﺍﻇﺐ ﻋﻠﻴﻪ ﺗﻘﻮﻝ ﺑﺲ The Rok )
ﻣﺤﻤﺪ : ﺧﻼﺹ ﺳﻜﺘﻨﺎ ?
ﺻﺎﺑﺮ : ﻫﻬﻬﻬﻬﻬﻬﻪ ﺧﻼﺹ ﻳﺎ ﺷﺒﺎﺏ ﻫﺪﻭﺀ ﺍﻟﻠﻌﺐ ﺷﻮﻳﻪ ، ﺭﺍﻱ ﺍﻟﻠﻴﻠﻪ ﻧﺎﻛﻞ ﻓﻲ ﺍﻱ ﻛﻔﺘﺮﻳﺎ ﻓﻲ ﺍﻟﺠﺎﻣﻌﻪ ﻋﺸﺎﻥ ﺍﻋﺮﻓﻬﺎ ﻭﺗﺎﻧﻲ ﻭﺭﻭﻧﻲ ﺟﻨﺒﺎﺗﻜﻢ ( ﻫﻬﻬﻬﻬﻬﻪ ﻭﺩ ﺍﻡ ﺩﺭ ﺍﺻﻠﻲ ﻭﺍﻟﻠﻐﻪ ﻋﻨﺪﻙ ﻳﺎ ﺻﺎﺑﺮ (??
ﺑﺎﺳﻞ ﻭﻣﺤﻤﺪ : OK
ﻭﺍﺛﻨﺎﺀ ﻣﺎﻫﻢ ﻃﺎﻟﻌﻴﻦ ﻣﻦ ﺍﻟﻘﺎﻋﻪ ( ﺻﺎﺑﺮ ) ﻣﺎ ﺷﺎﻝ ﻋﻴﻨﻮ ﻣﻦ ( ﺭﻭﺍﻥ ) ﻭﺍﺻﺤﺎﺑﻨﺎ ﻣﺎ ﻣﻘﺼﺮﻳﻦ ﻣﺘﺎﺑﻌﻴﻦ ﺍﻟﻔﻠﻢ ﻛﻠﻮ ??
ﺍﻟﺸﺒﺎﺏ ﻃﻠﻌﻮﺍ ﻋﻠﻲ ﺍﻟﻜﻔﺘﺮﻳﺎ ﻭﻟﻤﻦ ﻭﺻﻠﻮﺍ ( ﺑﺎﺳﻞ ) ﻗﺎﻝ ﺍﻟﻠﻴﻠﻪ ﺍﻟﻔﻄﻮﺭ ﻋﻠﻲ ﻭ ( ﺻﺎﺑﺮ ) ﻣﺼﺮ ﻋﻠﻲ ﺍﻧﻮ ﺍﻛﻮﻥ ﺷﻴﺮ ﺑﻴﻨﻬﻢ ﻭ ( ﻣﺤﻤﺪ ) ﺷﻐﺎﻝ ﺍﻗﻮﻝ ﻟﻲ ( ﺻﺎﺑﺮ ) ﻳﺎ ﺯﻭﻝ ﺷﻴﺮ ﺷﻨﻮ ﺧﻠﻲ ﺍﺩﻓﻊ ﻣﺶ ﻗﺎﻝ ﺍﻟﻔﻄﻮﺭ ﻋﻠﻴﻪ ﺍﻧﺖ ﺗﺎﻧﻲ ﻣﺎ ﺩﺧﻠﻚ
ﺍﻟﻤﻬﻢ ﺑﺎﺳﻞ ﺟﺎﺏ ﺍﻟﻔﻄﻮﺭ ﻭﺑﺪﻭ ﺍﻓﻄﺮﻭﺍ ﻭﻣﻊ ﻭﻧﺴﻪ ﻇﺮﻳﻔﻪ ﻭﺗﻌﺎﺭﻑ ﻭ ( ﻣﺤﻤﺪ ) ﻣﺎ ﻣﻘﺼﺮ ﻣﻊ ( ﺑﺎﺳﻞ ) ( ﻃﺒﻌﺎ ﻣﺤﻤﺪ ﺩﺍ ﺯﻭﻝ ﻇﺮﻳﻒ ﺷﺪﻳﺪ ﻭﻧﺴﺘﻮ ﻛﻠﻬﺎ ﺿﺨﻚ ﻭﻣﺸﺎﻏﻼﺕ )
ﺍﺣﻜﻲ ﻟﻲ ( ﺻﺎﺑﺮ ) ﻋﻨﻮ ﻭﺍﺿﺤﻚ ﻭ ( ﺑﺎﺳﻞ ) ﻣﺮﻩ ﺍﺣﻤﺮ ﻟﻴﻪ ﻭﻣﺮﻩ ﺍﺿﺤﻚ ﻭ ( ﺻﺎﺑﺮ ) ﻣﻦ ﻭﻧﺴﻪ ( ﻣﺤﻤﺪ ) ﺑﻀﺤﻚ ﺑﺲ ﺣﺘﻲ ﺍﻻﻛﻞ ﻏﻠﺒﻮ
ﺟﺎﺀ ﺻﻮﺕ ﻣﻦ ﺍﻟﺒﻨﺶ ﺍﻟﺠﻤﺒﻬﻢ ﻓﻲ ﺍﻟﻜﻔﺘﺮﻳﺎ
( ﺍﻭﻭﻭﻭ ﺻﺪﺍﻡ ﻭﻳﻨﻚ ﺍﻧﺖ ﻳﺎ ﻭﺣﺶ ﻣﻦ ﺩﻳﻚ ﻭﺗﺎﻧﻲ ﻣﺎ ﺷﻔﻨﺎﻙ )
ﻓﻲ ﺍﻟﻠﺤﻈﻪ ﺩﻱ ﻭﺵ ( ﺑﺎﺳﻞ ) ﺑﻘﻲ ﺍﺣﻤﺮ ? ﻣﻦ ﺍﻟﻐﻀﺐ ﻭﻗﻒ ﺍﻻﻛﻞ ﻭﺍﻟﻀﺤﻚ ( ﻭﺑﻘﻲ ﺍﻗﻔﻞ ﻓﻲ ﻳﺪﻳﻨﻮ ?? ﺯﻱ ﺍﻟﺰﻭﻝ ﺍﻟﺪﺍﻳﺮ ﺍﺩﻱ ﻟﻴﻪ ﺯﻭﻝ ﺑﻨﻴﻪ (?
ﺣﺘﻲ ( ﻣﺤﻤﺪ ) ﻣﻼﻣﺤﻮ ﺍﺗﻐﻴﺮﺕ ﺑﻌﺪ ﻣﺎ ﻛﺎﻥ ﺑﻀﺤﻚ ﺑﻘﻲ ﺻﺎﺭﻱ ( ﻟﻤﻦ ﺗﻘﻮﻝ ﺩﺍ ﻣﺎ ﻣﺤﻤﺪ ﺍﻟﻈﺮﻳﻒ ﺍﻟﺒﺤﺐ ﺍﻟﻀﺤﻚ ﻭﻻ ﻋﻤﺮﻭ ﺍﻟﺰﻭﻝ ﺩﺍ ﺿﺤﻚ ﻓﻲ ﺣﻴﺎﺗﻮ )
ﻭ ( ﺻﺎﺑﺮ ) ﺑﻘﻲ ﻣﺴﺘﻘﺮﺏ ? ﻣﻦ ﺣﺎﻟﻪ ﺍﻻﺗﻨﻴﻦ ﺩﻳﻞ
ﻭﺑﻘﻲ ﺍﺳﺎﻟﻬﻢ ﻓﻲ ﺷﻨﻮ ؟؟؟ﻳﺎ ﺟﻤﺎﻋﻪ ﺍﻟﺤﺼﻞ ﺷﻨﻮ؟؟؟
ﺩﺍ ﺍﻟﺢ ﻧﺸﻮﻓﻮﺍ ﻓﻲ ﺍﻟﺤﻠﻘﻪ ﺍﻟﺠﺎﻳﻪ
- Writer
