يوم الفرح

30

لقاها حايسه بدولاب فيصل وبدولابها .. وقال ..

راكان : لينا .. تبين اساعدك ؟

لينا لفت عليه : لا ما يحتاج الخدم موجودين ..

راكان لف يطلع : على راحتك ..

طلع من عندها وهي كملت شغلها لين نقلت كل اغراضها لغرفة نومها بالجناح ..

راحت فوق ودخــلت الجناح بتاخذ شور وتريح عقب هالكرف ..

بس اللي شد انتباهها نور الجناح الخافت ومافيه الا لمبه بالسيب صفراء خفيفه ..

والشموع اللي مصفوفه من باب الجناح الى غرفة النوم ..

تأملت شكل الشموع ووين تودي .. وتأملت شكل الجناح ونوره الخافت ..

ضحكت بداخلها على هالانسان وكملت مسيرها جواء ممر الشموع الى الغرفه ..

دخـلت الغرفه ولقت الشموع ماليه المكان .. شد انتباهها شيء وقربت ناحية السرير

ولقت مكتوب بالورد الطبيعي ( أحـــبـــك )

جلست تتأمل كل حرف بـ هالكلمه .. ما قدرت تمنع إبتسامتها وابتسمت ابتسامه ناعمه جميله ..

حست فيه احد يهمس وارها ..

: ياجعله دوم هالضحكه