للعشق ابواب مخيفه

الفصل الثاني

#حبيبي_مزدوج_الشخصيه

#فريده_احمد_فريد

الفصل الثاني

فضلت انا وعمر... عمر خدني ع الحمام يغسل لي وشي... كنت ق*فانه

لكن... انا وعمر صرخنا ف نفس واحد... شفنا... شفنا نفس الشئ او الكيان اللي شفته انا ف المطبخ

دا كان خالد.... كان مرمي ع ارضيه الحمام... جسمه اسووووود.... مفحم

الدود اللي كان سارح عليا.... كان خارج من بقه ومناخيره وعينه

عينه مش موجوده اصلآ... بصيت لاخويا وللحكومه اللي دخلت ع صريخنا قلتلهم بصريخ

(ايه دااااااا... ايه دااااااا... حد ينطق دا ايييييييييه)

الظابط خرجني انا وعمر برا الشقه.... عمر خدني وانا منهاره ع البيت

طلعني ودخلني اوضتي قالي يواسيني

(حبيبتي خليكي هنا انا لازم ارجع واعرف ازاي دا حصل ... وخالد مات ازاي )

مسكت ايده وانا بعيط وقلت له

(هوه دا خالد يا عمر.... ط ازاي حصل فيه كده... دا.. دا مش محروق... دا متحلل صح... ط ازاي دا كان معايا من كام يوم بس)

طبطب عليا وقالي

(اهدي بس يا ملك..... حاولي تنامي شويه.. وانا هتصل ع امك تيجي وهكلم نورا اختك تيجي تقعد معاكي لحد ما اروح وافهم اللي حصل.... انا مش عارف المصايب مالها نازله علينا زي المطر ليه كده... الله يرحمك يا خالد)

عمر خرج.... وانا فضلت اعيط... اعيط... اعيط..... لكن سمعت صوت... صوت طفل... صوت قالي

(موكا.... كوكي.... مالك)

رفعت عيني بسرعه وقلت بتلقائيه

(حنين.... حنين)

ماهي دي الطفله الوحيده اللي اعرفها.... قلت يمكن امي جت وجابت هبه والبنات معاها

قمت بصيت عليهم.... ملقتش حد خالص ف الشقه... رجعت دخلت اوضتي....

اترميت ع السرير.... بس... بس شفت حاجه غريبه... ع كرسي التسريحه شفت عروستي

قمت جريت عليها مسكتها... قلتلها بزعيق كأنها حد حقيقي

(كنتي فين... روحتي فين يا ابله.... شفتي... شفتي اللي حصل... خالد مات... خالد اللي جابك مات... انتي.. انتي هديته الوحيده ليا.... انت الذكري الوحيده منه ليا.... خالد ااااااااااه يا خالد)

خدت العروسه ف حضني وقعدت ع الكرسي وانا بعيط.... دفنت وشي ف وشها

وانهارت من العياط.... بس نمت... نمت وانا قاعده ع وضعي ده

حلمت.... حلمت بنفس اللي حصل من كام ساعه.... خالد وهوه مرعوب.. ومش شايفني

خالد وهوه واقف قصادي... منفوخ ومكان عينه فاضي.... وشفته وهوه مرمي ف الحمام

بنفس الشكل... بس... شفت حاجه ف الحلم ما شفتهاش ف الحقيقه

يمكن بسبب الصدمه... شفت كام شعرايا مرمين جمبه... شعر دهبي

ف اللحظه دي فتحت عيني.... قلت بصوت عالي

(شعر حريمي..... كنت بتخني يا خالد.... وياتري هيه اللي قتلتك.... ط وربنا لو دا اللي حصل... ها... ها... هعمل ايه ما انت مت.... هعمل فيك ايه تاني... واللهي هدعي عليك... هفضل ادعي عليك يا خالد... لو كنت خنتني)

خلصت كلامي... وببص... لقتني باصه للسقف.... الله... دا انا مرميه ف الأرض

قمت قعدت بصيت حواليا... لقيت الدنيا ضلمه... ف نور ضعيف اوي جاي من الشباك

جيت أقوم ااقف ... ببص جمبي لقيت العروسه ف وشي... كانت قاعده زي ماهيه ع الكرسي

اتخضيت منها..... كانت بصه لي... عينها ف عيني... قلتلها بعصبيه

(يا شيخه خضتيني.... يعني انا وقعت وانت فضلتي قاعده)

بصيت لها.... ركزت ف عينها... للحظه... للحظه العروسه عينها البلاستيك بقت حقيقيه

فتحت عيني وقفلتها كذا مره.... هزيت رأسي ... وقلت لنفسي

(ايه العبط... دا اكيد بسبب الضلمه... تعالي انتي كمان)

قمت ومسكتها رمتها ع السرير.... خرجت من اوضتي... لقيت امي لسه بتفتح باب الشقه وبتدخل

كانت بتعيط... جريت عليا وحضنتني... قالتلي بعياط

(عيني عليكي يا حبيبتي... وعيني ع بختك.... الله يرحمك يا خالد)

(شفتي يا ماما عمر حكي لك ع اللي حصل له... عرفتي حاجه جديده)

(لا يا بنتي... الحكومه لسه بتحقق مع الجيران... المهم انتي يا بنتي عامله ايه طمنيني عليكي)

(انا تعبانه اوي يا ماما... تعبانه اوي)

اترميت ف حضن امي واتهريت من العياط............ تاني يوم عدي وتالت يوم كمان

فين وفين لما النيابة أمرت بالافراج عن جثه خالد... دفناها وماما عملت عزاه عندنا

لأنه مالوش حد غيرنا.... كانت شقتنا مليانة بالاهل والجيران وصحابي وغيرهم

خلص العزا ودخلت أنام... تعبت اوي النهارده.... جيت أنام.... عيني جت ع الكرسي الهزاز

بصيت له أوي.... لكن.. ملقتش عروستي... استغربت انا حطتها بنفسي قبل ما انزل النهارده

قمت فتحت النور ودورت عليها ف الأوضة... خرجت دورت ف كل اوض البيت

ملقتهاش.... سألت امي قالتلي بعتاب

(عروسه ايه بس يا ملك.... الصبح ابقي دوري عليها يا بنتي انا تعبانه عايزه أنام)

سبت امي وخرجت.... دخلت اوضتي وحاولت أنام.... نمت بعد صعوبه وتفكير

موضوع العروسه دا شاغل دماغي... يعني ايه تظهر فجأه وتختفي فجأه

المهم نمت... وحلمت بشويه كوابيس رهيبه... فتحت عيني ع.... ع صريخ... ركزت شويه

لاكون لسه بحلم.... لكن دا كان صريخ مالي البيت كله... قمت اجري

لقيت امي واقفه ف الصاله وبتلبس خمارها ع دماغها سألتها بلهفه

(ف ايه الصريخ ده جاي منين)

(مش عارفه.. مش عارفه يا ملك تعالي نبص)

جريت مع امي ع بره... لقينا الدور اللي تحتنا مليان ناس... نزلت انا وامي

بس... دي.. دي تقي صاحبتي... امها بتصرخ وتقول بنتي ماتت

جريت ع اوضه صاحبتي تقي.... لقتها مرميه ع الأرض... ومبرقه بعينها اوي

كأنها شافت حاجه فزعتها ووقفت قلبها... فضلت اصرخ اصرخ... لكن وقفت فجأه

وقفت لما شفت .... شفت نفس الكام شعره الدهبي اللي شفتهم ف الحلم جمب خالد

ومش بس كده.... دا انا شفت..... عروستي... بصيت اوي كده... كانت مرميه تحت سرير تقي

استغربت مديت ايدي طلعتها... دي هيه فعلاً...

( آه يا تقي... كده تسرقيني

يبقي انتي اللي استغليتي العزا واللمه ودخلتي اوضتي سرقتيها)

انا قلت لنفسي كده ف سري.... سبت تقي مرميه... وسبت اللي يصوت يصوت... واللي يصرخ يصرخ

خدت عروستي وطلعت بيها ع شقتنا... فتحت دولابي... وحطتها وقفلت عليها بالمفتاح

لبست عبايتي ونزلت وقفت مع الجيران اللي مستنين الحكومه..... مش عارفه ليه بس لما لقيت تقي

سرقتني حسيت اني مبقتش زعلانه عليها.... وقفت اتف*ج زي الناس حتي ما فكرتش اواسي ابوها وامها

الصبح طلع علينا.... واحنا واقفين ع السلم مع الناس... فين وفين لما الدنيا هديت

الحكومه خدت جثه تقي ع المشرحه أهلها نزلوا وراها... وانا خدت امي ورجعنا شقتنا

حكايه الشعر دي قلقتني..... حاولت ألقي لها تفسير... ملقتش.... المهم عدت ليلتين والدنيا هاديه

جم بنات احمد مع أمهم.... واحنا قاعدين لقيت حنين خارجه وشايله عروستي

استغربت.... جيت اسألها جابتها منين... لقيت أخواتها بيخ*فوها منها و***بوا بيها

البت الكبيره اتحايلت عليا عشان تاخدها عندهم تلعب بيها ... وتبقي ترجعها لي

بس لاحظت ان حنين خافت... ورفضت... لكن أخواتها **موا... انا وافقت

الصراحة حسيت براحه غريبه اني هرتاح من العروسه دي كام يوم

عدت الليله دي... تاني يوم بليل كنت خارجه من الحمام.... نشفت شعري... ولسه هقعد ع كرسي التسريحه

اتفزعت.... اتصدمت.... اتسمرت مكاني.... عشان... لقتها... لقيت عروستي

بصيت لها برعب... قلت لها

(انتي جيتي هنا إزاي... مين اللي جابك من بيت اخويا)

سبتها وخرجت لأمي.... بس افتكرت انها عند احمد ف المستشفى.... استغربت... اتضايقت

حسيت اني تايهه ومش فاهمه حاجه خالص.... دخلت اوضتي تاني

اتسرحت... وخرجت قعدت ف الصاله..... فتحت التلفزيون من كتر الملل اللي انا فيه

لكن... لقيت فيلم اجنبي ع mbc 2 فيلم رعب انا بحب افلام الرعب اوي

كان فيلم Congrang ... تابعت الفيلم... بس... بس شفت اللي رعبني ف اول الفيلم

كان الزوجين اد ولورين حققوا ف قضيه بنتين مع عروسه... كانت عروسه تشبه عروستي اوي اوي

إسمها "" انابيل""

انا حسيت اني اتكهربت لما اتف*جت ع المشهد ده.... قمت بسرعه جريت ع اوضتي

لقتها زي ماهيه قاعده ع الكرسي.... دورت ع تلفوني لقيته مقفول

فتحته... وصورتها.... نزلتها ع الفيس ع جروب الرعب اللي انا مشتركه فيه

كتبت ع الصوره

# دي عروستي ... جت لي ف عيد ميلادي... بس من ساعه ما دخلت ببتي

وانا الموت والحوادث الغريبه بيقضوا ع عيلتي انا عايزه اعرف

لو عروستي دي ممسوسه من الجن زي عروسه انابيل اعرف إزاي #

قفلت النت.... وجيت أقرب منها سمعت باب الشقه بيرزع بقوه

اتنفضت وجريت عليه... لقتها نورا اختي.... كانت مفحومه من العياط... صرخت فيا

(انتي فيين... عمالين نتصل عليكي.... حنين ماتت... ماتت يا ملك)

انا سمعت كده... حسيت ان الدنيا بتلف بيا... الأرض بتنهار تحت رجلي

جريت مع اختي وانا مش مصدقاها... مستحيل... ازاي ده حصل... حنين... حنين ماتت

يارب يكونوا بيكدبوا عليا.... لكن

رحت لقيت حنين بجد ميته... بس موته ... موته رهيبه... جسمها كان متدمر...

رجلها م**وره وجمب رأسها... دراعتها مفلوفه بالعكس... كأنها خدت علقه موت بشومه حديد

**رتها ع الآخر... والدم مغرق الدنيا.... المنظر يوقع القلب... امي ودوها المستشفى مع هبه أمها

الدنيا كانت فوضي حواليا وصريخ وزعيق ف كل حته... انا مكنتش مركزه مع كل دا

تركيزي كله... كان مع.... نفس الشعر الدهبي.... جريت ع الشعر ده... خدته قبل ما الحكومه توصل

وتمنع اي حد يدخل الاوضه.... خدت الشعر وسبتهم كلهم وجريت ع شقتنا

دخلت اوضتي... كانت قاعده... قربت منها وخرجت الشعر من جيبي

حطيته ع شعرها... وكانت الكارثه... الشعر متطابق مع شعر العروسه

الشعر وقع من أيدي... بصيت لها برعب... وغضب

جريت ع المطبخ

وجبت سكينه... قربت منها والغضب مالي عيني وقلبي رفعت السكينه وقلت لها

(انتي قتلتي بنت اخويا... بنتي... حبيبتي... لييييييييييييه... العيله دي عملت لك إيه... انا هقتلك... انا هنتقم منك... ولو ف جن لابسك... هحرقه واحرقك يا بنت الكلب)

من غير وعي مني.... لقيت نفسي بقطع العروسه بالسكينه.... واقطع شعرها واطعن فيها... لكن

العروسه ما بيحصلهاش حاجه.... لا شعرها بيتقص... ولا هدومها بتتقطع... ولا حصل لها أي حاجه

رميت السكينه وبصيت لها بصدمه.... لكن حرقه قلبي ع حنين... بخرت الخوف جوايا

خدتها ع المطبخ.... ولعت البوتجاز... وقفتها عليه... النار مسكت ف هدومها

مسكت ف شعرها... كانت بتتحرق ادامي.... شلتها قبل ما تولع البيت معاها

فتحت الشباك وحدفتها ف الشارع.... بصيت عليها لقتها بتتحرق كلها... قفلت الشباك وسندت عليه

وانهارت من العياط

يتبع ف الجزء الثالث

اقتباس من الفصل التالي

الكل بيتريق عليا.... ما عدا واحد لقيته قالي

'' انتي العروسه دي جاتلك إزاي"

انا برقت... خفت.... فتحت الخاص وبعت له... كتبت

" سلاموا عليكوا السائر بين القبور"

لقيت الرد جه ف لحظه

" مساء الخير يا كوكي.... انا عايز اعرف العروسه دي وصلت لك إزاي "

" حضرتك بتقول ليه كده.. انت تعرفها"

" طبعاً اعرفها كويس أوي بس وصلتك ازاي"

"خطيبي الله يرحمه اشتراها لي هديه"

" الله يرحمه... هوه مات"

" آآآه"

"مات ولا اتقتل"

"بص مش هكدب عليك العروسه دي انا حاسه انها ورا كل حاجه حصلت لي ف الاول حادثه اخويا بعدها موت خالد وجارتي وصاحبتي ماتت بعد ما سرقتها من عندي.. واخرتها... بنت اخويا... العيله الصغيره... ماتت... ماتت بطريقه ب*عه... ودايما العروسه ترجع لي ... تختفي وتظهر فجأه وبعدها اسمع المصيبه.... انا محتاجه اعرف قصه العروسه دي لو تعرف عنها حاجه ممكن تعرفني"

" هقولك يا كوكي طبعاً انتي سمعتي ان العالم اللي إحنا عايشين فيه ده.. ماليان بغرايب وعجايب من ضمن الغرايب دي مواضيع الدمي المسكونه الموضوع ده ف ناس كتير اتكلمت فيه وأفلام اتعملت عليه... حتي اتعملت مقالات كامله ع دمي مسكونه ف أماكن كتير مختلفه ف العالم ولسه موجوده لحد دلوقتي... اللي ف متحف... واللي ع جزيره ف جنوب الم**يك... واللي سحره قدروا يقضوا ع الدمي والكيانات الشيطانيه اللي مستحوذه عليها.... انا بقا واحد من الناس دي.... ف بنت مسكينه نزلت منشور زيك كده من سنه تقريبا... انا عملت بحث عن العروسه ف الأول واعواني ساعدوني طبعاً عرفت عنها كتير اسمعي يا ستي ... سمعتي قبل كده عن دميه انابيل اللي ف إنجلترا... الدميه دي حقيقيه... ولسه محبوسه ف صندوق ازاز متحوطه بطلاسم ... بس.... للأسف دميه انابيل مش هيه الدميه الوحيده اللي تخص انابيل .... الشابه اللي عبدت الشيطان بسبب ابوها ومراته... وبسبب عقدتها..... البنت دي اتقتلت فعلآ لكنها ف بيتها كانت بتمارس طقوسها.... والجن اللي كان محاوطها ... لبس ف كل الدمي بتاعها..... ولما ماتت انابيل.... بيتها اتقفل والحكومه اتحفظت ع كل اللي فيه.... لكن للأسف الشديد ... ف ناس فضوليه... اقتحمت بيتها للتسليه وسرقوا حاجات كتير من البيت الملعون ده... ومن ضمن اللي سرقوه.... الدمي بتاعت انابيل.... وبعدها الشباب دول ماتوا ف حوادث غامضه... وكل الدمي اللي سرقوها اختفت.... لكن الدمي رجعت تظهر تاني.... لكن بتظهر فين ولمين... محدش عارف.... ف انا بعد ما عرفت كل ده تواصلت مع البنت دي كان اسمها ع الفيس ملكه الأحزان... واسمها الحقيقه ملك... زيك.... المهم انا قدرت اساعدها ورحت لها بيت أهلها وخلصتها من الدميه .... انا دفنتها ف قبر بعد ما حاولت اصرف عنها شياطينها وفشلت ف حبستها ف القبر ده بطلاسم ربط... بس ومن يومها حياه ملك اتعدلت... وما سمعتش حاجه تانيه عنها او عن دميه انابيل... بس لما انتي نزلتي صورتها بالمنشور... انا اتصدمت... هيه نفس الدميه... انا مش عارف خطيبك جابها إزاي... بس هعرف... بس من هنا لوقت ما ابعت لك تاني... اوعي تأذيها... او تض*بيها او تحاولي تتخلصي منها"

انا اتفزعت من كلامه ... رديت عليه وانا ايدي بتترعش

" بس انا خلصت منها بالفعل انا حرقتها ورميتها ف الشارع "

" ايييييييه.... عملتي اييييييييييييه.... انتي مجنونه... انا ... انا مش هقدر اساعدك... انابيل هتنتقم منك اشر إنتقام... ومفيش لا ساحر ولا شيخ... ولا اي قوه ع وش الأرض هتقدر تساعدك دلوقتي... إزاي تعملي كده بعد ما اتاكدتي انها مش طبيعيه... كان لازم تفكري ف عواقب عملتك يا ملك.... انا آسف... بس محدش هيرحمك منها... ربنا معاكي يا ملك"

قفل... وقفل النت خالص..... انا اترعبت من كلامه... قمت بحذر

وبصيت من الشباك.... وكانت الصدمه... ملقتهاش... مش موجوده... مالهاش أثر