NAKASILID ang dalawang kamay ni Lucian sa magkabilang bulsa ng kanyang slacks habang naghihintay na bumukas ang pinto ng elevator sa kanyang harapan.
Nakatanggap siya ng mensahe galing kay Lucero na nasa lupa raw ang kanilang ama, at iniimbitahan silang tatlong magkakapatid, para sa isang hapunan.
Hindi niya sana nais na pumunta, ngunit alam niyang hindi maaari. Alam niyang sa ayaw at sa gusto niya ay kailangan niyang pagbigyan ang imbitasyon ng hari.
Nang tanungin niya ang kanyang kapatid ay sinabi nito na sa hotel daw na pag-aari ng kanilang ama gaganapin ang hapunan.
Hindi niya maiwasang mabalisa sapagkat hindi niya ma-contact si Yana. Kanina niya pa ito tinatawagan ngunit laging out of reach ang sinasabi ng operator. Balak niya sana itong saglitin bago pumunta sa hapunan ngunit mah
