Herson’s POV
“Hindi ba’t kayo po si Herson Henriques? At ang kasama niyo ay si Attorney Mia Imperial?” napapitlag ako nang sabihin iyon ni Jekjek. Nagbago rin ang ekspresiyon ng mukha niya na tila ba ay dumilim ito.
“Paano mo nalaman?” tanong ko sa kanya.
Napangisi siya. “Unang beses ko pa lang kayong nakita, wala na akong tiwala sa inyo. Ipinakilala ko kayo sa pamilya ko at sa mga taga isla, pero hindi pa rin ako kumbinsido sa totoo niyong pagkatao. Kaya nangalap ako ng impormasyon at nalaman ko nga ang totoo niyong pagkatao no’ng pumunta ako sa bayan, gumawi ako sa computer shop at doon ay nagsaliksik ako tungkol sa inyo,” paliwanag niya. Ibig sabihin, matagal na pala niyang alam ang totoo naming pagkatao.
“Pero bakit hinayaan mo lang kaming magpanggap? Hindi ka ba natakot na baka ma
