The Villas
❀ Elize
Pagkatapos namin mag-usap…
Nabunutan ako ng tinik sa dibdib, walang nagbago sa pagtingin sa akin ni Gabriel at ako din naman sa kanya. Kung meron man mas lalo pa kaming naging matatag… ipaglaban ang pagmamahalan namin. Naipakita niya rin na, kami na ang pamilya niya ngayon. Kung ano man ang disgusto ng Mommy niya sa akin hahayaan nalang namin sa ngayon at mag-iingat nalang. Nangako na rin akong mas magiging matapang para sa aming pamilya… lalong lalo na para kay Matteo, hindi na ulit tatakbo. Haharapin ang mga gustong sumira sa amin.
- Masyado na akong naging mabait sa mga taong walang gustong gawin kung hindi tapakan ang pagkatao ko. Nakalimutan ko na ang tapang na meron ako noon… tapang harapin kahit na sino lalo na kung wala ka namang ginagawang masama sa kanila.
