Hindi alam ni Caroline na hinahanap siya ng paningin ni Elexir. Kahit na abala ang binata sa pakikipag-usap kay Emerald ay hindi pa rin maiwasang lumipad ng utak niya kung saan-saan. Pasok sa isang tenga at labas naman sa kabila ang pinagsasasabi nito sa kaniya. Ni wala siyang maintindihan simula pa kanina. Natatandaan niya lang ay ang mga salitang chanel, victoria’s secret, at louis vuitton.
Humigpit ang hawak niya sa kopita. Naguguluhan siya sa mga kilos ni Caroline ngayon. Hindi niya maintindihan kung para saan ang irap na ibinigay nito sa kaniya kanina. May nagawa ba siyang masama? Ang buong akala niya ay maayos naman ang lahat sa kanila.
Kahit ngayon, ramdam niya ang pag-iwas ni Caroline sa kaniya ngunit walang pumapasok sa utak niya na posibleng dahilan kung bakit niya iyon gagawi
