CAROLINE
Ilang minuto ang lumipas at ligtas kaming nakarating sa hotel. Mula rito sa labas ay kitang-kita kung gaano kagara ang kabuuhan ng labas na itsura ng hotel. Kumikinang ang naglalakihang bintana na natatamaan ng papataas ng araw. Halos lahat ay napatingala sa mataas na gusaling aming papasukin maya-maya lamang.
Tatlong sasakyan pa ang nasa unahan namin para makapasok sa parking lot. May guwardya na nagbibigay ng signal na maaari na kaming tumuloy sa loob. Binuksan ni Rodrigo ang bintana nang matapat kami sa guwardya.
“Boss, kasama ho namin sina Sir Emmanuel Montenegro,” nakangiting saad nito.
“Ah, kayo pala ʼyon. Nando’n sila sa VIP parking space, sundin niyo lang ang daan,” nakangiting sagot nito.
“Salamat, boss!” Nakita kong sumaludo pa si Rodrigo bago isara ang bintana at
