3 years later
"HINDI ba kayo nagsasawang magpakasal nang magpakasal? Pangatlo niyo na ito, una iyong sa Quezon province, kasalang bayan, sunod sa France, na talagang pinaghandaan at bawing-bawi sa nauna niyong kasal, ngayon naman magpapakasal kayo rito sa Pilipinas. Grabe!" Nanlalaki pa ang mata ni Yvonne, habang nagsasalita na ikinangiti ni Feliza, "naiintindihan ko, noong pangalawang beses kayong magpakasal eh, kasi pangbawi sa kasal niyo sa kasalang bayan, noong una pero itong pangatlo?" hindi makapaniwalang bulalas nito. "Wala na siguro kayong mapagkagastusan, ano? Kaya kasal kayo nang kasal!" mahabang litanya pa rin ni Yvonne, habang nasa sala sila, kasama si Damien, na namimili ng gown sa kasal na ipapagawa niya, sa brochure na binigay ng kilalang gumagawa ng gown. Mga mahal talaga
