AFTER 40 days ng pagkamatay ng nanay ni Carmelita, nagpasya itong umalis sa Isla Marupok.
“Ano? Aalis ka? Saan ka naman pupunta, bes?” nakakunot ang noong tanong ni Agatha sa kaibigan.
Nagulat din ito sa narinig dahil first time nyang marinig ang plano ng kaibigan. Nasa dalampasigan sila ngayon at nagpapahinga. Naligo kasi si Carmelita sa dagat at naabutan sya ng kaibigan kaya nagpasya muna silang mag-chill sa buhanginan. Both of them are turning twenty-two this year.
“Makikipagsapalaran muna ako sa Maynila, bes,” sabi ni Carmelita.
Nakatingin ito sa malawak na karagatan. May mga iilang turista na ring naliligo sa dagat kahit tirik na tirik ang araw.
“Saan ka naman titira doon? Wala ka naman kakilala sa Maynila, ah.” Ayaw ni Agatha na umalis ang kaibigan kaya sinusubukan nyang pi
