Kabanata 92
MABILIS na lumipas ang mga araw at naging mas maingat pa sina Homer habang natili pa sila sa Denmark. Hindi na nila pinapayagang maghugas at magluto si Hazel at sila na lamang ng pinsan ang gumagawa no’n. Mas mabuti na iyong nag-iingat baka may mangyari pang masama sa dalaga. Ngayong araw din ang dating ni Angel at kasama nito ang anak na si Stanley kaya naghahanda na ang kanyang Kuya Douglas upang sunduin ang mag-ina sa airport.
Habang naghuhugas ng kanilang pinakainan si Homer ay biglang sumagi sa kanyang isipan ang kapatid na si Shasmael. Wala pa itong balita sa kanya at wala namang pino-post ang kapatid sa social media nito bagay na ginagawa ni Shasmael kapag may magandang lugar itong napuntahan.
“Kuya,” tawag niya sa pinsan habang inaayos ang buhol. Kung makapag-ayos
