Kabanata 29
NAGKAROON muna ang salu-salo sa mansyon kasama ang lahat pati na ang mga trabahador. Sa pagkakataong iyon ay wala sila sa loob kumain. Bagkus ay sa labas lamang iyon ng mansyo ngunit mayroong mga inihandang pagkain, mesa at mga upuan upang ang lahat ay magkasya at makakain sila ng sabay-sabay. Nalulula si Althea sa sobrang dami ng pagkaing nakalatag sa isang mahabang mesa. Hindi niya alam kung alin ang kakainin dahil natatakam talaga siya. Umagaw sa kanya ang tatlong nakahilerang lechon baboy. Tila nagkaroon sila ng fiesta sa barangay dahil sa daming handa!
“Subukan mo iyang papaitan,” wika ni Homer na noo’y nakasunod lang sa kanya upang kumuha na rin ng pagkain. “Masarap ‘yan.”
“Saan gawa ‘yan?” curious niyang tanong sa lalaki. Ngayon pa siya nakakita ng ganoong ulam kaya c
