Kabanata 10
MABILIS na lumipas ang mga araw at hindi mawari ni Althea kung ano ang mararamdaman dahil ngayong araw mismo gaganapin ang kasal. Handang-handa na si Althea at Brandon. Normal na mga damit ang kanilang sinuot dahil hindi naman nila alam kung ano ang theme ng kasal. Ngunit siniguro niya talaga maganda at sexy siyang tingnan.
“Ate, anong oras magsisimula ang wedding?” tanong ni Brandon habang tutok ang mga mata nito sa kakapanood ng telebisyon. Modelling na naman ang pinapanood nito. Talagang hindi magsasawa ang kapatid sa kakapanood ng mga palabas tungkol sa mga rampahan sa runway.
“Hindi ko alam kung ano ang exact time. Basta’t ang sinabi lang sa akin ni Peter ay hapon raw kaya before 1 pm ay nakahanda na tayo,” aniya. Bago paman sila maghanda para sa kasal ay minabuting pin
